حکومت،خارجی یاردم لر دولت تمانیدن صرفلنیشی نی طلب قیلدی

افغانستان مالیه وزیرلیگی 2001 میلادی ییلدن بیری حاضرگه چه افغانستانده 69 میلیارد دالر یاردم بیریلیشی سوزبیریلگنینی معلوم قیلگن.

مذکور وزیرلیک گه کوره، بو جمله دن 57 میلیارد دالری بیریلگن.

اوشبو وزیرلیک رسمیلریگه کوره بو مبلغ نینگ اون سککیز فایزی افغانستان حکومتی تمانیدن صرفله نیب باشقه قالگن 82 فایزی یاردمچی مملکت لر تمانیدن صرفلنگن.

شونینگ دیک رسمی لر، بوتون یاردم لردن 51 فایزی امنیتی بولیم لرده صرفلنگنی معلوم قیلینگن، افغانستان مالیه وزیری عمر زاخیل وال افغانستان ملی بودجه سی تمانیدن صرفلنگن یاردم لردن افغان حکومتی نینگ تولیق حسابات بیریشگه قادیر دیب بیراق یاردم لرنینگ اکثری قسمینی چیت ایللیک نادولت تشکیلات لرتمانیدن صرفه له نیشی اونچه لیک ثمره لی بولمه گنینی ایتگن.

زاخیلوال جنابلری خارجیلر تمانیدن عملگه اشریله دیگن پروژه لر کوپ قیمت توشیشی نی هم معلوم قیلگن.

اوگه کوره، افغان حکومتی تمانیدن بیردالر بیلن بیر پروژه عملی بولسه خارجی لرتمانیدن اوچ دالر عین پروژه ده صرفله نه دی اگر یاردم لر افغان حکومت تمانیدن صرف لنسه اساسی برنامه لر عملگه اشریله دی.

زاخیلوال جنابلری نینگ معلوم قیلیشیچه، خارجی نادولت تشکیلات لرتمانیدن عملی بولگن پروژه لر خلق احتیاجی گه ماس بولمه ی اساسی شکلده عملگه آشریلمه یدی.

اوتگن نیچه ییل دن بیری افغانستان دولتی، خارجی مملکت لر تمانیدن افغانستان نینگ ترقیاتی و قیته قوریلیشی توغری سیده بیریله یاتگن یاردم لر بو مملکت دولتی تمانیدن صرفلنیشی نی طلب قیلسه ده لیکن مذکور یاردم لرنینگ کتته قسمی خارجی لر تمانیدن صرفلنیب کیلگن.

هرچند افغانستان دولتی بو توغری جدی انتقاد قیلیب کیلگن لیکن شونده ی بولسه هم خارجی مملکت لر ایسه افغانستان دولتی اداره لریده کینگ کولمده فساد موجود لیگی باعث یاردم لرینی اوزلری صرفلنیشی اوستیگه تاکید قیلماقده لر.