ملاعمر، افغانستان حکومتی بیلن مذاکره قیلیش احتمالی بارلیگیگه اشاره قیلگن

طالبان گروهی نینگ رهبری ملا محمد عمر رمضان هییتی اوچون بیر بیانات ترقه تیب، مذکور گروه افغانستان دولتی بیلن مذاکره قیلیشده تمایل کورسه تگن.

ملا عمر مذکور بیاناتیده، افغانستان دولتی بیلن آچیق مذاکره قیلیش مسئله سی نی ایتمه گن لیکن مملکت ده جاری بحران نینگ یکون لنتیریش اوچون مشروع یول لر دن فایده لنیشی خصوصیده تاکید قیلگن.

طالبان رهبری مذکور بیاناتی نینگ، فارسی، پشتو، انگلیسی، عربی و اردو تیل لریده ترقه تیب، تورلی موضوع لر خصوصیده جمله دن چیت ایللیک کوچلری نینگ افغانستانده گی حضورلری، تینچلیک مذاکره لر شونینگ دیک بن انجمنی نینگ ایککینچی یغینی توغری سیده فکر بیلدیرگن.

ملا عمر مذکور پیامیده بیر قنچه اسیرلرنی المشتیریش حرکت لری، دولت بیلن مذاکره لر باشلنیشی ایمس دیب معلوم قیلگن.

عین دمیده طالبان رهبری، افغانستانده گی موجود بحران لر، خارجی کوچلر تمانیدن هوایی هجوم لر و کیچه تماندن عملیات لر یولگه قوییلیشی، سبب بولگن دیب ایتگن. ملا عمر جنابلری، مذکور بحران نینگ حل بولیش باش یول لریدن بیری، خارجی لرنینگ مذکور هجوم لری و ظلم و ستم لری نینگ توگه یشی دیب معلوم قیلگن.

طالبان رهبری، مذاکره لر مستقل و مشخص ریجه لر بیلن یولگه قوییلیشی اوستیده تاکید قیلیب، مذکور پیام نینگ هیچ بیر نقطه سیده مذاکره لر بیلن قرشی لیک بیلدیرمه گن.

ملا عمر نینگ مذکور پیامی، اوتگن بیانات لریدن کوره انچه فرقلی. طالبان گروهی رهبری نینگ مذکور عکس العملی نیمه نی انگله تیشی ممکن؟

طالبان حاکمیتی ده تشقی ایشلر وزیری صفتیده ایشله ب لیکن حاضر افغانستان دولتی گه قوشیلگن وکیل احمد متوکل ، افغانستانده اون ییل لیک اوریش لر انیق بیر نتیجه ده یریشمه گنی اوچون ملا عمر مذاکره قیلیش یولی باردیب معلوم قیلگن دیب ایته دی.

بو حالتده قرگنده، ناتو کوچلری ایسه، طالبان رهبری نینگ بوتون گپلری یلغان دیب ایته دیلر.

اوشبو کوچلر نینگ کابلده گی سوزچی سی کاریستن جیکوبسن بونده ی ایضاح له یدی:

"ملا عمر نینگ بیاناتی توغری سیده بیر نیرسه ایته من. افغانستان خلقی اونینگ سوز لری یلغان بولیشی نی بیله دیلر. او عصیان چلیک فعالیت لرینی بجریب، عادی انسان لرنینگ 80 فایزیگه عامل بولیب کیلگن. بیزنی پیامی میز شو که بمب لرنی اورنتمه، اون یشه ر باله لرنی انتحاری واسکت کیدیریب، یول لرگه و مارکیت لرگه یوبارمه ، افغانستان دن تشقری تروریست لیک عمل لردن قول تارتیب یاشینمه، تینچلیک جریانیگه قوشیل گین."

اوشبو سوزلر شونده ی بیر حالده ترقه تیلماقده، کیم افغانستان جمهور رییسی حامد کرزی، طالبان بیلن مذاکره قیلیش توغری سیده، سعودی عربستان نینگ حمایتی نی قولگه کیلتیریش مقصدیده یوقاری مرتبه لی بیر هیئت بیلن ایککی کون ایلگری مذکور مملکت ده سفر قیلدی.

هرچند افغانستان حکومتی طالبان بیلن مذاکره قیلیش مقصدیده، مخصوص بیر کمیسیون ایجاد ایتگن، لیکن حاضر گه قدر عملی شکلده طالبان گروهی تمانیدن مذکور مذاکره لر توغری سیده هیچ بیر اقدام بولمه گن.

طالبان تمانیدن یول چیککه سیده ماین لرنینگ اورنه تیلیشی و خود کش لیک هجوم لر حاضر هم دوام تارتماقده، شو نینگ دیک افغانستان و خارجی کوچلری نینگ طالبان گه قرشی عملیات لری هم حاضرگه چه توخته مه گن.