حامدکرزی تاجکستان گه سفر قیلدی

افغانستان جمهورریسی حامدکرزی ، افغانستان ، روسیه ، تاجکستان و پاکستان اولکه لری اره سیده بولیب اوتیشی ریجه لنگن همکارلیک یغینده اشتراک ایتیش مقصدی بیلن تاجکستان گه سفر قیلگن.

بو ایسه اوشبو همکارلیک یغنی نینگ اوچینچی یغینی دیرکه قوشنی تاجکستان گه کیله سی جمع کونی بولیب اوتیشی ریجه لشتریلگن.

افغانستان ریاست جمهورلیک سرای تمانیدن چیقاریلگن بیانانده یغنده جمهورریس حامدکرزی ، روسیه، تاجکستان و پاکستان جمهورریس لری نینگ اشتراک ایتش لری معلوم قیلینگن.

بیاناتده یازیلیشچه تورت تمانله مه همکارلیک یغینده تروریزم و مخدره ماده لرگه قرشی کوره شیش مسله لری مباحثه ایتیلیب اوشبو تورت اولکه اره سیده کی اقتصادی، سیاسی وفرهنگی علاقه لر خصوصیده هم بحث الیب باریلیشی کوتیله دی.

یغین سونگیده تورت اولکه دولت مقاملری قوشمه بیانات گه امضا قویب، یغینده مباحثه ایتیلگن موضوع لر خلاصه سینی اعلان قیله دی.

شونینگ دیک افغانستان جمهورریسی حامدکرزی یغین دن الدین تاجکستان جمهورریسی امام علی رحمانوف ، پاکستان جمهورریسی آصف علی زرداری وروسیه جمهوررییسی دیمتری مدودف لر بیلن علاحیده اوچره شیشی کوتیله دی.

افغانستان تشقی ایشلروزیری زلمی رسول، مخدره ماده لرگه قرشی کوره شیش وزیری ضرار احمد مقبل و ملی امنیت کینگاشی نینگ رییسی داکتر رنگین دادفر سپنتا هم کرزی بیلن بیرگه تاجکستان گه سفر قیلگن.