ملی کینگاش نینگ سککیز ینگی اعضاسی قسم یادله دی

ملی کینگاشی نینگ ینگی سککیز اعضاسی جنجللی یمان بیر وضعیت ده ملی کینگاشی نینگ باشلیغی تمانیدن تانشتریلیب قسم یادله دیلر.

یقینده ملی کینگاش نینگ ینگی عضو صفتیده تانشتریلگن توقیز کیشی دن سککیزته سی بوگون بیرقنچه خوف سیزلیک چاره تدبیرلر بیلن پارلمان گه الیب باریلگن. پارلمان بیناسی پلیس کوچلری تمانیدن قمره ب النیب لوازمی مستقل سیلاولر کمیسیونی تمانیدن بیکار قیلینگن توقیز کیشینی مجلس گه کیریشگه ایزین بیریلمه گن.

پارلمانی سیلاو نتیجه سی اوچون اوچ قوه اره سیده توقیز آیی دوام تارتگن جنجل دن سونگ اینگ سونگ قرارنی مستقل سیلاولر کمیسیونی اعلان قیلیب 9 ملت وکیلنی صلاحیت سیز دیب اولر اورنیده باشقه توقیز کیشی ملی کینگاشی گه باریشینی معلوم قیلدی.

کمیسیون نینگ بوقراری جمهوررییس کرزی نینگ حمایتی دن بهره مند ایدی. بیراق ملت وکیللری اشتراکی بیلن توزیلگن قانون دن حمایت ایتیش اتفاقی ایسه بو قرارگه قرشی چیقدی.

شوندی بولیشگه قره مسدن بوگون موفق دیه اعلان قیلینگن توقیز کیشی دن سککیزته سی پلیس کوچلری تمانیدن پارلمان گه الیب باریلیب اوز ایش گه رسما باشله دیلر.

پارلمان بیناسی اطرافیده جایلشگن پلیس کوچلری ایسه صلاحیت سیز اعلان قیلینگن توقیز ملت وکیلنی پارلمان محوطه سیگه کیریشگه ایزین بیرمه گن، همده خبرنگار لرنی هم ایشکری کیریشگه ایزین بیریلمه گن.

ملی کینگاشی نینگ باشلیغی عبدالروف ابراهیمی ییلیک ملت وکیلی حضوریده ملت وکیلی صفتیده اوشبو سککیز کیشی نینگ تانشترگن. بیراق پارلمان اطرافی نینگ نیچه قبتلی پلیس کوچلری تمانیدن اوره ب الینگنینی قتیغ قاره لب چیققن.

قانون دن حمایت ایتیش اتی بیلن قوریلگن اتفاق اعضالری اوشبو توقیز کیشینی حربی کوچ بیلن حکومت تمانیدن پارلمان گه تانشتریلگنینی قتیغ قاره لب بونگه قرشی جواب قیریشلری بیلن اگاه لنترگن لر.

عینی حالده قانون دن حمایت ایتیش اتی بیلن قوریلگن اتفاق اعضالری حکومت نینگ بوعمل نی ملی کینگاشی گه قرشی بیر کودتا دیب فکر توصیف له گن لر.