اوریش جنایتچیلرینی انیق لش موضوع سی کوتاریلماقده

امریکا قوشمه ایلت لری و ایتالیالیک تینچلیک فعاللری افغانستانده اوریش جنایتچیلرینی انیق لش اوچون خلق ارا محکمه نینگ اره له شیشیدن حمایت بیلدیرگن.

اوشبو هیات قطار مدنی جمعیت قوریلمه لر انسان حقلریدن مدافعه ایتوچی تشکیلات واوریش قربان لری بیلن اوچره شگن.

امریکا وایتالیا دن کیلگن تینچلیک فعاللری و انسان حقلردن مدافعه ایتوچی تشکیلات لر اره سیده کی قیزیق بحث لردن بیری هم اوتیش عدالت دوری بولگن.

انسان حقلریدن مدافعه ایتیش ودموکراسی ناملی تشکیلات نینگ اجرای مسوولی خداداد بشارت اوتیش عدالت دوری نینگ عملی بولیش اوچون جنایت چیلیککه قرشی کوره شه یاتگن خلق ارا محکمه نینگ افغانستان مسله سیگه اره له شیشی کابلده سفر قیلگن تینچلیک فعاللریدن طلب بولینگنینی ایتدی."انیق طلب لردن بیری هم اوریش جنایتچیلرینی انیق لش اوچون اوریش قربانلری تمانیدن ایلگری سوریلگن. ایستک لریگه ماس خلق ارا فرصت لر نظرده توتیلیب جنایت چیللیکه قرشی کوره شیش خلق ارا محکمه نینگ افغانستانده یوزبیرگن جنایتجلیک اره له شیشی دیر. اولر افغانستان کیلیب یوزبیرگن اوریش جنایتلرنی انیق لش اوچون اوز تیکشرولرنی باشله سینلر.بوایسه بولیب اوتگن اوچره شولرگه رسما تکلیف اتیلدی." دیدی

تینچلیک میزگرد ناملی ایتالیا لیک قوریلمه نینگ یوقاری اعضالریدن بیری فلاویو لوتی، افغانستانده کی اوریش جنایتچیلرینی تیکشریش و مدنی جمعیت قوریلمه لری نینگ کوچیتریش مهم ایکنینی اورغوله گن.

همده اوریش جنایتچیلرگه قرشی کوره شه یاتگن خلق ارا محکمه نینگ اوریش قربان لری نینگ طلبی اساسیده افغانستان قضیه سیگه فعال حصصه قوشیدن حمایت بیلدرگن." هه بیز نه فقط اوریش جنایت چیلیککه قرشی کوره شیش خلق ارا محکمه نینگ افغانستان قضیه سیگه اره له شیشیدن حمایت بیلدره میز بلکه، اوشبو بحران گه چقورراق نظر تشلب اساسی بیر اوزگریش کیلیشینی ایستی میز، بیز ایسه قربان لر تکلیفی گه اعتبار قره تیشینی دنیا هم جمعیت مملکت لریگه تکلیف ایته میز. اگر معمانی حقیقتا حل قیلیشینی ایسته سک بو ایش باشله نیشی دیر."

باشقه تماندن خارجی کوچلر تمانیدن یولگه قویلیب کیلینه یاتگن حربی عملیات لرده اهالی تلفاتینی الدینی الیش موضوع سی هم اوشبو اوچره شوده بحث بولگن.

انسان حق حقوق لریدن مدافعه ایتوچی تشکیلات اعضالری ایسه خارجی کوچلر نینگ حربی عملیات لریده گناه سیز انسان لرنینگ قربان بولیب کیله یاتگنی اوریش جنایتی دیب فکر بیلدرگن. شوباعث هم اولر خلق ارا محکمه تمانیدن بومعمانی هم جدی تیکشریلیشینی سوره گن لر.