ناتو نینگ حربی مرکزیده عصیانچیلر هجومی

گزارش لرگه کوره، میدان وردک ولایتی نینگ سید آباد تومنیده جایلشگن ناتو حربی مرکزی یقینیده یویزبیرگن کوچلی پارتلش نتیجه سیده کمیده 89 کیشی یره لنگن.

امریکا حربی لرنینگ سوزچیلریدن بیری دیوید ایستبورن اوشبو پارتلش نتیجه سیده 50 امریکا لیک عسکر و 15 افغان وطنداشی نینگ یره لنگنینی معلوم قیلگن.

پارتلش میدان ودرک ولایتی نینگ سید آباد تومنیده کی ناتو کوچلر نینگ حربی مرکزی ایشیگیده یوزبیرگن.

پارتلاوچی ماده یوک تاشوچی بیر موترده جایشلتریلیب پارتله تیلگن. امریکا حربیلری نینگ سوزچیسی دیوید ایستبورن گه کوره، پارتلشده ناتونینگ حربی مرکزی نینگ قوریقچی دیواری هم تخریب بولگن.

بوندن آلدین راق ناتو تمانیدن نشر ایتیلگن بیر بیاناتده بیرقنچه حربیلر یوزبیرگن پارتلشده یره لنگنی اورغوله نیب اولرنینگ وضعیتی اغیر ایمس لیگی تاکیدلنگندی.

میدان وردک ولایتی نینگ محلی رسمیلری یوزبیرگن پارتلشده بیر ترجمان بیر قوریقچی و بیر ایشچی هلاک بولگنینی معلوم قیلگن ، اولرگه کوره هلاک بولگن لرنینگ همه سی افغان بولگن.

هجوم مسوولیتی نی طالبان عصیانچیلری اوز بوینیگه آلیب ، مذکور حادثه ده بیرقنچه امریکا لیک عسکر هلاک بولگنینی ادعا قیلگن لر.

کابل جنوبیده جایلشگن میدان وردک ولایتی سونگی پیتلرده قانلی حادثه لرگه گواه بولیب عصیانچیلر هجومی باعث خارجی کوچلرگه اغیر تلفات لر یتکزیلگن.

شو جمله دن بیری بوندن الدین ناتو کوچلریگه تیگشلی بولگن بیر تیک اوچر طلبان تمانیدن اوریب توشریلدی نتیجه ده 38 کیشی قربان بولدی، اولردن 30 نفری امریکا عسکرلری ایدی.