عصیانچیلر کابلگه گروهی هجوم یولگه قویدیلر

Image copyright BBC World Service

کابل نینگ نیچه منطقه سی عصیانچی لرنینگ گروهی هجوم لریگه گواه بولگن.

مذکور هجوم لر امریکا نینگ کابلده گی ایلچی خانه سی یقینی دن باشله نگن.

شو نینگ دیک، بو بنا نینگ یقین حدود لریده جایلشگن، آیساف قوماندان لیگی، ملی امنیت ریاست لریدن بیری، ملی اردو قرار گاه لریدن بیری، کانلر وزیرلیگی، و باشقه بیر قطار مهم اداره لر هجوم چیلر نینگ آغیر و اینگیل اوق آتیش لری بیلن یوزمه یوز بولگن.

ساعت بیر یریم توش ده کابل شهری نینگ عبدالحق تورت یولی ده جایلشگن اون آلتی قبتلیک بیر بناگه کیریب، مذکور بنا نینگ تورت تمانی گه قره ته اوق آتماقده لر.

عصیانچی لر مذکور بناگه کیرمس دن آلدین، عبدالحق تورت یولیگه قریب بیش پارتله ش یوزبیرگن.

معلومات لرگه کوره، عصیانچیلر مذکور نیم کاره بناگه کیرگن لریدن کیین، آیساف قوماندانلیگیگه بیر راکت اوقینی آتگن لر شونینگ دیک ایککی راکت اوقی وزیر اکبر خانه منطقه سیده اصابت قیلگن.

حاضر هم عصیانچیلر و خوف سیز لیک کوچلری آره سیده آتشمه لر جریانی بار.

مذکور حادثه لر تلفاتی توغری سیده هیچ بیر خبر چیقمه گن.

عین حالده کابل شهری نینگ غربی ده جایلشگن کارته سه منطقه سیده هم بیر پارتله ش یوز بیرگن.

محلی تلویزیون لر ایسه، هجوم چیلر و خوف سیزلیک کوچلری نینگ آتشمه لری نی جانلی بیر شکلده ترقاتماقده لر.

مذکور هجوم لر مسوولیتی نینگ طالبان گروهی اوز ضمه سیگه آلگن لر.