ناتو : گروهی هجومنی ریجه لشترگن عصیانچیلر قولگه آلینگن

Image copyright BBC World Service

ناتو کوچلری امریکا ایلچی خانه سی و ناتو حربی مرکزیده اوشتریلگن هجوم نینگ ریجه لشترگنی گه عیبدار ایککی کیشینی حیبسگه آلینگنینی خبربیرگن.

اوتگن سه شبنه کونی التی عصیانچی عبدالحق تورت یولیده جایلشگن بیناده کیریب امریکا ایلچی خانه سی و ناتو نینگ اوشبو بینا یقنیده جایلشگن حربی مرکزینی نشانگه الدیلر.

اوشبو هجومده قریب 15 کیشی قربان بولیب اوتز دن ارتیق نفر یره لندی. یره لنگن لر جمله سیدن التی ته سی ناتو عسکری بولگن همده امریکا ایلچی خانه سی نینگ تورت افغان خادمی هم یره لنگن لر اره سیده بولگن.

ناتو کوچلری جمعه کونی بیر خبرنامه ترقه تیب اوشبو هجوم نینگ ریجه لشترگن شخصلردن بیری پکتیا ولایتی نینگ زرمت تومنیده توتیلگنیدن خبربیرگن وباشقه بیری ایسه خوست ولایتدن قولگه آلینگن.

ناتو کوچلریگه کوره افغان امنیتی کوچلری بیلن قوشمه یولگه قویلگن عملیاتده بو ایککی شخص قولگه آلینگن.

عینی حالده ناتو کوچلری قولگه الینگن اوشبو ایککی کیشینی کابلده اویشتریلگن بیرنیچه هجوم گه هم قولی بولگنی گه عیبله گن.

افغان حکومتی هم ایککی کیشی نینگ سه شنبه کونی یوزبیرگن هجوم لرگه قولی بارلیگیگه عیبله نیب حیبسگه الگنینی تصدیق له گن.

بوندن الدین افغانستان ایچکی ایشلر وزیرلیگی نینگ سوزچیسی صدیق صدیقی، هجوم نینگ قوشنی پاکستان توپراغیدن ریجه لشتریلگنینی ادعا قیلگندی.

صدیقی جنابلرینی ایتیشچه هجومچی لر دواملی پاکستانده بولگن ایریم کیش لر بیلن علاقه ده ایکن.

طالبان گروهی هجوم مسوولیتینی اوز بوینگه الیب هجوم نینگ کابلدن ریجه لشتریلگنینی ادعا قیلگن لر.اما، امریکا مقاملری سه شنبه کونیده کی هجوم نینگ حقانی ترماغیده علاقه دار عصیانچیلر تمانیدن اویشتریلگنینی معلوم قیلگنلر.

حقانی ترماغی نینگ رهبرلری پاکستانده بولگنی ایتلیب کیلگن. بوندن الدین امریکا مقاملری پاکستان جاسوس لیک اداره سی نینگ بو گروه بیلن علاقه ده بولگنینی ادعا قیلگندی. بیراق، پاکستان رسمیلری بوکبی ادعالرنی در ایتیب کیلماقده.