نورستان ده حربی عملیات دوام ایتماقده

افغانستان حکومتی گه کوره شرقی نورستان ولایتی نینگ برگ متال تومنیدن قوراللی عصیانچیلرنی تازه لش اوچون حربی عملیات یولگه قویلگن.

هرچند برگ متال تومنی نینگ مرکزی افغان کوچلری نطارتیده بولگن بیراق، اوشبو تومن نینگ اکثری منطقه لریده طالبان عصیانچیلرینی انچه فعال بولگنی ایتیلماقده.

افغانستان شرقی حوزه سیده فعالیت الیب باره یاتگن حربی کوچلر قوماندانی ژنرال محمد افضل یولگه قویلیب کیله یاتگن عملیاتده ایگرمه طالب هلاک و بیرقنچه طالب نینگ یره لنگنینی ایتگن.

برگ متال تومنی پاکستان بیلن چیگره داش بولگن حدودلرده جایلشگن. عصیانچی گروه لر ایسه بو ولسواللیکدن باشقه منطقه لرده اوزفعالیت لرینی کینگیتریش اوچون جدی سعی قیلیب کیلگن.

شونینگ دیک برگ متال تومنیده یوزلرچه عصیانچیلر فعال بولگنی ایتلیب اولر اره سیده پاکستان لیک قوراللی طالب لرهم موجود لیگی تاکید لنماقده.

رسمی معلومات لرگه کوره حربی عملیا ت نینگ نظارت قیلیش اوچون ولایت حاکمی هم برگ متال تومنیده ایتیب بارگن. بو ایسه دوام تارتیب کیله یاتگن عملیات نینگ کتته اهمیت گه ایکن لیگینی کورسه ته دی.

ینگی دن تعین ایتلگن نورستان ولایتی نینگ حاکمی تیمیم نورستانی اوشبو ولایت نینگ امنیتی اداره لرده کینگ کولمده فساد موجودلیگی طالبان عصیانچیلری نینگ فعالیتی کوپیگنی گه سبب بولگندیب فکر بیلدرگن.

عینی حالده او، بیرینچیدن پلیس چوکاتیده اوزگریش کیلتریش گه جدی نیار بارلیگینی تاکیدله گن.

" پلیس چوکاتیده اصلاحات کیلتریش باشله نیشی ضرور. اوز چوتک لرینی تولدریش اوچون نورستان گه کیلگن شخص لرگه بوندن بویان اورین یوق، ادملرنی اوزگرتیریش هم اونچه لیک ثمره بیرمیدی. یعنی بیر خاین نی بیرچوکی دن باشقه بیر چوکی گه تعین لش. بوکبی شخصلر نورستان ولایتیدن بوتونلی چیقاریلسین. قاره لاوچیلر چقریلیب، دولت اداره لری بیرمه بیر تیکشریلسین." دیگن او.

عینی حالده نورستان ولایتی نینگ ولایتی حاکمی فسادگه قولی بولگن شخص لرنینگ دولت یوقاری خادملری تمانیدن حمایه بولیب کیلینه یاتگنینی اورغولب کیره ک بولگنده حالده اولر اسمینی فاش ایتشی بیلن اگاه لنترگن.

نورستان ولایتی پاکستان بیلن چیگره داش بولیب اکثری تومن لریده عصیانچی لرنینگ انچه فعال بولگنی ایتلماقده.

رسمی معلومات لرگه کورحاضرگه قدرهم اوشبو ولایت نینگ وانت وایگل و کامدیش تومنلری بوتولی طالبان عصیانچیلر نینگ نظارتیده بولگن. بو ایککی تومن ایسه قریب بیرییل الدین طالبان نظارتی استیده اوتگنی ایتیلگندی.