اوزبیکستان اسلامی حرکت اعضالریدن بیری اوشلندی

افغانستان شمالیده گی بغلان ولایتیده یولگه قویلگن حربی عملیات نتیجه سیده اوزبیکستان اسلامی حرکت اعضای لریدن بیری قولگه کیریتیلگن.

آیساف کوچلری تمانیدن ترقتیلگن بیاناتگه کوره، عملیات بوندن بیرکون مقدم منطقه نی عصیانچیلردن تازه لش بیلن یولگه قویلگن، اوشبوولایت نینگ ایرم حدودلریده حاضر هم قوشمه حربی عملیات نینگ دوامی بارلیگی ایتیلماقده.

آیساف کوچلری تمانیدن ترقه تیلگن بیاناتگه کوره، اوزبیکستان اسلامی حرکت فعال اعضا لریدن بیری ، بوندن بیرکون آلدین یولگه قویلگن حربی عملیات نتیجه سیده قولگه کریتیلگن.

بیاناتده معلوم بولیشیچه، عملیات اوشبو ولایت نینگ بغلان مرکزی دیب ناملنگن تومنیده یولگه قویلگن، لیکن بو شخص نینگ کیم بولگن لیگی حقده هیچ قندی معلومات بیریلمه گن.

بیاناتگه کوره توتیلگن شخص ایسه، قطار عصیانچی لیک فعالیت لرنی اوشبو حدودلرده باشقریب کیلگن.

شونینگ دیک بغلان ولایتی نینگ ایرم تومن لریده قوراللی عصیانچی لر نینگ یوق ایتیش اوچون قوشمه حربی عملیات یولگه قوییلگن،

بغلان ولایتی نینگ امنیه قوماندان لیگی سوزچی سی جاوید بشارت جنابلریگه کوره، مذکور قوشمه عملیات ایسه، ملی اردو، ملی پولیس، جاسوس لیک تشکیلاتی همده آیساف کوچلری تمانیدن یولگه قویلیب حاضر هم دوام ایتماقده.

محلی رسمیلر یولگه قویلگن حربی عملیات جریانیده منطقه ده فعال بولگن عصیانچیلرنی یوق ایتیلیشی گه امیدبیلدرگن.

سونگی وقتلرده اوزبیکستان اسلامی حرکت اعضا لری نینگ شمالی ولایت لرده کینگ کولیمده فعالیت آلیب باره یاتگن لیگی معلوم قیلینماقده، بوندن آلدین شمالی قندز همده تخار ولایت لریده یولگه قویلگن حربی عملیات لرده اوزبیکستان اسلامی حرکت اعضای لری فعالیت آلیب باره یاتگن لیک لری کوریلگن.

دولت مسئوللریگه کوره، مذکور گروپ شمالی ولایت لرده اوزبیک همده ترکمن ملیت لری موجود بولگن لیگی اوچون اشبو حدودلرگه کیلیب باش پناه آلیب عصیانچلیک عمل لریگه قول اوریب کیلماقده لر.

منطقه خوفسیزلیگی نی تامینلش همده عصیانچی لر فعالیت لریگه برهم بیریش اوچون ایرم حربی عملیات لر یولگه قویلیب کیلیشیگه قره مسدن حاضر هم وضعیت نی اوزگرمگن لیگی ایرم اهالی همد دولت مسئوللری نینگ خواطرلریگه سبب بولیب کیلماقده.