کابل بانک بحرانی اوچون مالی یاردم لر توخته تیلیب قالگن

Image copyright Reuters

مرکزی بانک نینگ 51 ملیون دالری کابل بانک گه قالگنی، افغانستان مالیه وزیرلیگی نینگ خواطری نی کوچه یتیرگن.

مذکور وزیرلیک گه کوره، اگر ده کابل بانک گه قالگن 51 ملیون دالر مرکزی بانک گه قیته ریلمسه، خلق ارا پول جمغرمه سی تمانیدن بیریله یاتگن یاردم لر کیسیله دی.

شونده ی بیرحالده، افغانستان ملی کینگاشی ایسه، کابل بانک دن چیقریلگن یوزلب ملیون دالر سرنوشتی بیللی بولمه گینچه، اولر 51 ملیون دالر نینگ مرکزی بانک گه قه یتیریشی نی تصدیق قیلمس لیگیگه تاکید قیلگن. افغانستان مالیه وزیرلیگی نینگ خواطری شونده ی بیرحالده کینگه ییب کیتگن کیم، خلق ارا پول جمغرمه سی کابل بانک بحرانی اوچون، جاری میلادی ییل مارچ آیی دن یاردم لری نینگ توخته تیب قویگن.

اوشبو وزیرلیک مقام لریگه کوره، مرکزی بانک تمانیدن کابل بانک گه بیریلگن 73 ملیون دالر دن 22 ملیونی آلینگن لیکن قالگن 51 ملیون دالر نینگ مذکور بانک دن چیقریش اوچون، ملی کینگاش تصدیق قیلیشی کیره ک.

مالیه وزیرلیگی نینگ سوزچیسی عزیز شمس گه کوره، خلق ارا پول جمغرمه سی نینگ اون شرطی دن بیری کابل بانک گه قالگن 51 ملیون دالر قه یته دن مرکزی بانک گه قه یتریلیشی دیر.

"51 ملیون دالر ملی کینگاش تمانیدن تصویب بولمسه بیز، میلیون لب دالر نینگ قولدن بیره میز. بو مسئله انچه انیق بیر موضوع. چونکه بیز خلق ارا مملکت لر نینگ یاردم لری گه احتیاجی میز بار. شو نینگ دیک بیز نینگ ترقیات بودجه میز خود شو یاردم لردن تولنه دی. بیزنینگ ایشانچیمیز شو که ملی کینگاش اعضا لری بو مسئله نینگ ملی بیر مسئله صفتیده بیلسین نه بیر خصوصی بانک ویا شخص مسئله سی."

شونده ی بیر حالده، افغانستان ملی کینگاشی نینگ بودجه و مالی رییسی صدیق احمد عثمانی ایسه، کابل بانک دن چیقریلگن یوزلب ملیون دالر نینگ مسئله سی انیق بولمه گینچه، اولر مذکور51 ملیون دالر نینگ مرکزی بانک گه قه یتیریشی اوچون فکر قیلیش لری نی معلوم قیلگن.

عثمانی جنابلری گه کوره، اوشبو مسئله نینگ حلی اوچون انچه وقت کیره ک.

"بیز مالیه وزیری دن انیق بیر سوال قیلدیک و ایتدیک که اگر بیز شو 51 ملیون دالر نینگ مرکزی بانک گه قه یتریشی اوچون، مثبت آواز بیرسک، خلق ارا جمغرمه سی سیزلر گه باشقه اعتراض قیلمه ی می؟ وزیر ایتدی که مین بو مسئله نی ضمانت قیله آلمه یمن. یعنی بو معنی گه که کابل بانک قیین چیلیگی دن تشقری مالیه وزیرلیگی و خلق ارا پول جمغرمه سی مابینیده باشقه قره مه قرشیلیک لر هم موجود. بو قره مه قرشی لیک لر یا سیاسی دیر یا باشقه بیرنرسه."

پارلمان اعضا لری آره سیده جدی قره مه قرشی لیک لر چیقیشی بیلن ملی کینگاش حاضر گه قدر هیچ بیر ایش قیلمه گنی اوچون حکومت همده منتقدلر تمانیدن هم عیب لنیب کیلماقده.

باشقه تماندن، کابل بانک نینگ کتته سهم دار لری شیر خان فرنود و خلیل الله فیروز جمهور رییس کرزی نینگ امری بیلن قماق دن آزاد ایتیلگن. معلومات لر اساسیده، اوشبو کیشی لر کابل بانک دن چیقرگن پول لرنینگ قه یته دن تاپیشی توغری سیده جدی همکارلیک قیلیش لری اوچون قماق دن ازاد ایتیلگن لر.

لیکن بو مسلئه خوف سیزلیک کوچلری نظارتی آستیده بولگنی بیلگی لنگن.