آیسا: افغانستان شرقیده 9 عصیانچی هلاک ایتلدی

Image copyright BBC World Service

ایساف کوچلری بیر خبرنامه ترقه تیب افغانستان شرقی حدودلریده یولگه قویلگن حربی عملیاتده 9 عصیانچی هلاک بولگنیدن خبربیرگن.

ایساف کوچلریگه کوره اوشبو عملیات افغان و خارجی کوچلر تمانیدن یولگه قویلیب حاضرهم دوام تارتیب کیلماقده.

عینی حالده بیاناتده عملیات رهبرلیگیده افغان کوچلری بولگنی تاکیدلنگن. ایساف کوچلرینی خبر قیلیش لریچه بو عملیات 24 ساعت الدین یولگه قویلیب حاضرگه چه 9 عصیانچی قربان بولگن همده یتتی کیشی عصیانچیلیک فعالیت لریگه عیبله نیب حبسگه آلینگن.

ایساف کوچلری انیق عملیات نینگ قیسی ولایتده بولگنی باره سیده معلومات بیرمه گن لیکن عملیات نینگ دوام تارتیب کیله یاتگنینی ایتگن.

شرقی حدودلردن کیلگن گزارشلر گه کوره نورستا ن ولایتی نینگ وانت وایگل تومنیده عصیانچیلر و دولت کوچلری اره سیده قتیغ توقنه شولر یوزبیرگن. ایککی کون ده وانت وایگل تومنی ایکک ی مراتبه عصیانچیلر و دولت کوچلری اره سیده قول به قول بولگنی ایتلماقده.

اوتگن آی لرده وانت وایگل تومنی عصیانچیلر نظارتیگه اوتگندی، بیراق دولت پنجشنبه کونی بو تومننی طالبان نظارتیدن چیقارگنینی ایتگندی.

ایساف کوچلری نینگ سوزچیلریدن بیری عینی تومنده یوزبیرگن توقنه شولرده قریب 40 عصیانچی هلاک بولگنینی ایتگن.

نورستان ولایتی نینگ ایریم وکیللری ایسه توقنه شولرده عادی اهالی گه هم تلفات یتکزیلگنیدن خبربیرگن بیراق، ایساف کوچلری بوباره ده هیچ قندی فکر بیلدرمه گن.

باشقه تماندن نورستان ولایتی بیلن قوشنی بولگن کنر ولایتی نینگ پلیس مقاملریدن بیری اوشبو ولایت نینگ "دانگام تومنی پاکستان توپراغیدن راکت اوقی بیلن نشانگه الگنینی تاکیدلب حاضرگه چه 180 راکت اوقی دنگام تومنیده اصابت قیلگنینی ایتگن.

شونینگ دیک راکتی هجومی نتیجه سیده بیر کیشی قربان بولیب اونلب اهالی نینگ اوز اوی جایلریدن بدرغه بولگنی ایتلماقده.

پاکستان دولتی حاضرگه چه بوخصوصده بیران بیر نرسه ایتمه گن.