فرانسه ده نقاب کییشنی دوام بیرگن ایککی عیال جریمه گه تارتیلدی

Image copyright none

فرانسه محکمه سی ایککی مسلمه عیال نینگ ینگی قبول قیلینگن قانون گه قرشی جماعت ییرلریده نقابده یوریشینی دوام ایترگنی طفیلی جریمه ده تارتیش حقیده حکم چیقارگن.

هند اماسه و کینزه دریادیر هربیر لری 200 دالر جریمه تولش لری کیره ک لیگی ایتیلدی.

اولرنینگ ایککی سی هم حکم اوستیدن شکایت قیلیش لرینی بیلدریشگن.

هند اماسه و کینزه شو ییل نینگ می آیده پاری جی نینگ شرقی قسمیده نقاب ده کیته یاتگن وقتیده پلیس تمانیدن توخته تیلگن.

شو وقت گه چه فرانسه بویلب جماعت ییرلرده نقاب کییب یورگن 91 عیال توخته تیلیب، ینگی قبول قیلینگن قانون گه موافق اولرگه 150 یورو جریمه سالینیشی نظرده توتیلدی.

نقاب کییش حقوقینی حمایه قیلوچیلر حکم اوستیدن اروپا اتفاقی نینگ انسان حقوق لری محکمه سیگه قدر شکایت قیلیش لرینی بیلدیرگنلر.

32 یاشلی هند اماسه و اوچ فرزندی نینگ انه سی کینزه فرانسه ده نقاب کییب یوریش هربیر عیال نینگ شخصی تنلاوی بولیشی و اروپا قانون لریده قید ایتیلگن حقوقلری ایکن لیگینی تاکیدلب کیله یاتگن بیر نیچه یوز مسلیمه لر کوره شی نینگ رمزی صفتیده کوریلماقده لر.

هند نینگ آته آنه سی معتدیل مسلمان ایدیلر . هند نینگ اوزی بوندن التی ییلچه اول اوز خواهشی بیلن نقاب ده یوره باشله گن.

اونینگ ایتیشچه، بیر وقتلر کلته کیمده دیسکوتیک لرگه باریب یورگن، لیکین کینچه لیک اوزینی مسلیمه بولگنینی بیلیب نقاب کیشینی ایسته گن.

فرانسه مسلمان گروه لری نینگ ایتیشچه، اپریل آیده کیریتیلگن تحقیق دن بیری بیر قطار عیاللر نقاب ده یوریش لری اوچون حقارت لنگنلر.

حاضرده کوتیلیشچه، ایککی عیال بیرینچی تحقیق جریانیدن اوتیب کینچه لیک ستراس بورده گی اروپا محکمه سیده قانونی سناوودن اوتکزیش امکانیگه ایگه بوله دیلر. بیر قطار باشقه اروپا دولت لریده هم عیاللرنی نقاب ده بولیب جماعت ییرلرده باریش لری اوچون شو کبی تحقیق لر کیرتیلگن یاده کیرتیلیشی ریجه لنماقده.