ربانی تروری اوچون کابلده ناراضلیک نمایش یولگه قوییلدی

Image copyright AFP

بوگون یرته لب برهان الدین ربانی ترور بولگنی اوچون کابل شهریده ناراض لیک نمایش یولگه قوییلدی. مذکور نمایشده یوزلب کیشی قتنه شیب، ربانی نینگ تروری حقیده بیرلشگن ملت لر تشکیلاتی تمانیدن تیکشیریش ایشلری ایلگری ایتیلیشی طلب بولدی.

شونینگ دیک ناراض لیک نمایش نینگ یولگه قویگن لر حکومت تمانیدن یولگه قوییلگن تیکشیریش ایشلریگه هیچ قنده ی ایشانچ لری یوقلیگینی ایتدیلر. نمایش چیلر طالبان گروهی، پاکستان همده افغانستان حکومتی قرشی سیده، شعار بیرر ایدیلر.

بوگون کی یولگه قوییلگن نارض لیک نمایش، افغانستان ملی خوف سیزلیک اداره سی نینگ قدیم کی رییسی امر الله صالح تمانیدن رهبرلیک بولگن ایدی.

اولر تمانیدن صادر ایتیلگن قطع نامه ده طالبان بیلن مذاکره کیسیلیشی و ربانی قاتل لری نینگ محکمه گه تارتیلیشی معلوم بولگن.

کورینیشیچه، بو نمایشده افغانستان نینگ باشقه قوم لریدن هم قتنه شگن ایدیلر لیکن نمایشچیلر نینگ کوپراقی مملکت شمالی حدودیده گی تاجیک لر ایدیلر.

بوگون کی یولگه قووییلگن ناراض لیک نمایش توغری سیده حکومت رسمی لری حاضر گه چه هیچ نیرسه دیمه گن لر، لیکن بوندن ایککی کون مقدم، حکومت رسمی لری ، ربانی جنابلری نینگ تروری نی طرح قیلگن بیر شخص نی اوشله ب آلگنی دن خبر بیرگن ایدیلر.

رسمیلر نینگ معلوم قیلیشی چه، توتیلگن مذکور شخص نینگ اعتراف لری ربانی تروری توغری سیده گی تیکشیریش ایشلریگه انچه فایده یتکزماقده.