" لاشخور لرنینگ قیتیب کیلیش گه زمینه یره تیلمیدی"

بریتانیا نینگ افغانستانده کی ایلچیسی ویلیام پیتی بریتانیا نینگ اوزون مدت افغانستان بیلن همکارلیکده بولیشینی اورغولب، لاشخورلرنینگ افغانستانده قیتیب کیلیشگه ایزین بیریلمسلیگنی ایتدی.

خارجی کوچلرنینگ افغانستاندن چیقیب کیتیشی بیلن وضعیت منفی تمان اوزگره دیگن گپ سوزلر یوزه چیقرایکن، بریتانیا نینگ افغانستانده کی ایلچیسی ویلیام پتی بی بی سی بیلن بولگن مخصوص صحبتیده 2014 میلادی ییلدن سونگ هم اوز اولکه سینی افغانستان بیلن یقین همکارلیک قیلیشینی تاکیدله گن.

عینی حالده او، بریتانیا دولتی اروپا اتفاقی نینگ افغانستان بیلن اوزون مدتلی استراتیژیک همکارلیک علاقه لرینی امضاقلیشیگه ه مراثه چیلیک قیلیشینی اورغولب بوحقده شوندی فکربیلدیرگن."بیز افغانستان بیلن اوزون مدت همکارلیک قیلشینی تکلیف ایتدیک، همده امریکا هم افغانستان بیلن همکارلیک استراتیژیسینی امضاقیلیش خصوصده صحبت قیلیب کیلماقده. بریتانیا دولتی افغانستان واروپا اولکه لری اره سیده اوزن مدت استراتیژینی امضاله له نیشگه سعی قیله دی.بوکبی استراتیژیک علاقه لرنینگ امضا له نیشی افغانستان منفعیتگه، اگر ایریم منطقه ده کی اولکه لر بولر چیقیب کتیه دی لاشخوردیک منطقه ده قتیب کیله میز دیگن فکرگه بولسه، مطلقا خطا قیله دیلر." دیب ایتدی.

شونینگ دیک ویلیام جنابلری امضا بولیشی کوتیله یاتگن همکارلیک استراتیژی نینگ ایککی بولیمدن عبارت بولگنینی ایتیب بوخصوصده اچیقچه معلومات بیریشدن باش تارتگن.

عینی حالده او اوز صحبتی دوامیده طالبان عصیانچیلری خلق ارا کوچلر چیقیب کتیگنیدن کیین قندهاردن کابلنی کیلیب باسیب آله میزدیگن امید گه بولسه کتته خطا قیله دیلر دیب ایتگن.

اونگه کوره 2014 میلادی ییلدن کیین هم طالبان عصیانچیلرگه بوندی فرصت یره تیلمیدی.

شونینگ دیک بریتان نینگ کابلده کی ایلچیسی ویلیام پیتی طالبان مذاکره اوچون ،قوییلگن شرط لرنی قبول قیلمه گن تقدیرده تینچلیک پروسه سی نینگ ایجابی تمان باره یاتگنی گه امید بیلدریش بیرحماقت دیب سوزیوریتگن.

باشقه تماندن بریتانیا ایلچیسی ، پاکستان مملکتی نینگ شمال وشمال شرقی منطقه لریده حکومت نینگ تولیق نظارتی بولمه گنینی اورغولب عصیانچی گروه لر عینی منطقه لردن اوزفعالیت لرینی باشقریب کیله یاتگنینی ایتگن.

اونی ایتیشچه افغانستانده کی جاری وضعیت ده برهم بیریش اوچون پاکستا نینگ همکارلیگیگه جدی احتیاج بار. همده بریتانیا ایلچییسی افغانستانده تینچلیک نی مستحکم لش اوچون.پاکستان دولتی نینگ تولیق همکارلیک قیلیش خصوصیده بریتانیا دولتی اوشبو دولت رسمیلری بیلن دواملی ملاقات اوتکزیب کیله یاتگنینی معلوم قیلگن.