" مذاکره طالبان بیلن ایمس پاکستان بیلن بولیشی ممکن "

افغانستان جمهورریسی حامدکرزی طالبان بیلن الیب باریله دیگن مذاکره مسله سینی اوشبو گروه بیلن کیسیب پاکستان بیلن صحبت قیلیشینی قرار قیلگنینی ایتگن.

بوبیرینچی مرته دیرکه افغانستان جمهوررییسی حامدکرزی کسکین بیانات بیلن چیقیب طالبان بیلن مذاکره قیلیش مسله سینی توخته تیشینی تاکیدلیدی.

کرزی جنابلری مذهبی رهبرلر اشتراکی بیلن اوتکزیلگن یغینده شوندی دیگن" باشقه جوابیم یوق اما مذاکره تمانی پاکستان دیب ایتشیم کیره ک. چونکی بیز ملاعمر نینگ تاپه آلمی میز،همده طالبان کینگاشینی هم تاپه المی میز کی اولر نیرده؟ اولر تمانیدن قاصد اتی بیلن کیلگن شخص اولدیره دی. اوزمانده کیم بیلن صحبت بولسین؟ مگر پاکستان بیلن." دیب ایتگن او.

کورنیشچه کرزی نینگ بو سوزلری جمعیت اسلامی حزبی نینگ رهبری برهان الدین ربانینگ ترور ایتلگنی گه قره تیلگن. طالبان نماینده سی صفتیده کیلگن بیرشخص ربانی جنابلری بیلن یقین له شیب اوزینی پارتله تدی نتیجه ده برهان الدین ربانی قربان بولدی.

ایریم تحلیل چیلرگه کوره کرزی نینگ بو پیامی شونی یتکزه دی کی اگر اسلام اباد عصیانچیلرگه قرشی کوره شیش اوچون چون یورک دن همکارلیک قیلسه ناقرارلیک لر نهایه تاپه دی.

بوندن بیرنیچه کون الدین امریکا وپاکستان مقاملر اره سیده لفظی کیلشماوچیلیک لر یوزه چیقیب امریکا، پاکستان نینگ حقانی ترماغیدن حمایت ایتیشگه عیبله گندی.

بو عیبلاولردن سونگ کرزی جنابلری هم قتیغ بیانات بیلن چیقیب بیرشکلده یوزبیریب کیله یاتگن ناقرارلیک لر آرتیده پاکستان بولیشینی ایتماقچی.

Image copyright BBC World Service

باشقه تماندن افغانستان حکومتی، پاکستان باش وزیری یوسف رضای گیلانی نینگ الدین دن ریجه لشتریلگن افغانستانده کی سفرینی هم بیکار قیلگن. بو ایسه ایککی دولت اره سیده کی دیپلماتیک علاقه لرنی اوته تره نگلشگنینی کورسه ته دی.

امریکا جمهوررییسی باراک اوباما سونگی اظهاراتیده پاکستان دولتی نینگ، حقانی بیلن بولگن فعال وغیر فعال حمایه سینی کیسیب قویشی بیلن اگاه لنتردی.

شونینگ دیک اوباما جنابلری اگرده، پاکستان بو موضوع گه جدی اعتبار قره تمه گیدیک بولسه بو مسله نی حلی اوچون جدی راق عمل بولیشینی تاکیدقیلگن.

حال بوکی پاکستان دولتی بو کبی ادعا لرنی رد ایته دی . اما، پاکستان ملی خوف سیزلیک اداره سی نینگ الدینکی مصلحت چیسی ژنرال درانی بی بی سی بیلن بولگن صحبتیده حقانی ترماغی، پاکستان اردو سی نینگ کوزی مقابلیده یعنی وزیرستانده فعالیت قیلیب کیله یاتگنینی ایتگن.

اونی ایتیشچه نه فقط حقانی ترماغی بلکه باشقه تروریستی گروه لر هم شمالی وزیرستانده موجود اونگه کوره اوشبو حدودلرده پاکستان حربیلری موجود بولگن بیراق عصیانچی گروه لرنینگ فعالیتی اوچون هیچ قندی توسیق بولمه گن.