قوشمه صلح کمیسیون ایشی توخته تیلدی

افغانستان حکومتی پاکستان وافغانستان اره سیده بوندن آلتی آی آلدین قوریلگن قوشمه صلح کمیسیون ایشینی وقیتچه لیک توخته تگن.

افغان مقام لری پاکستان تمانی شوپیتگه قدر تینچلیک اوچون بیرگن وعده لریگه عمل قیلمه گنی باعث اوشبو کمیسیون نینگ دوام تارتیشگه هیچ قندی احتیاج یوقلیگینی ایتگن.

جاری میلادی آی اوشبو کمیسیون نینگ ایککینچی دور یغینی بولیب اوتیشی کوتیلرایدی، پاکستان باش وزیری یوسف رضا گیلانی نینگ کابلده کی سفری هم عینی کمیسیون گه علاقه سی بولگنی اوچون افغانستان حکومتی تمانیدن بیکارقیلینگن.

منطقه ده کی عصیانچلیک فعالیت لرنی برطرف ایتیش وخوف سیزلیکنی تامین لش اوچون قوشمه صلح کمیسیونی بوندن الدین اسلام اباد ده شکل لنگندی.ایندی لیکده افغان حکومتی بو کمیسیون ایشلرینی نیتجه سیز اتب وقیتنچه لیک توخته تیلیشی گه قرار چیقارگن.

افغان رسمیلری قوشمه کمیسیون طفیلی پاکستان تمانی عملی ایشلرنی بجرمه گنی باعث اوشبو کمیسیون فعالیتی نینگ توخته تیلیشگه توغری کیلدی دیب فکربیلدیرگن."عملی تمانی بولمه گن بیر پروسه نی دوامی گه طرفدار ایمس میز، پاکستان دولتی صلح اوچون تولیق همکارلیک قیله میز دیب سوزبیرگندی.اما قیلمه دی. شواوچون بو کمیسیون فعالیتی وقیتنچه لیک توخته تیلدی. پاکستان باش وزیری یوسف رضا گیلانی کمیسیون نینگ ایککینچی دوریده اشتراک قیلیش اوچون کابل گه سفر قیلیشی ریجه لگندی شو اونی کابل گه سفر قیلیشی هم افغانستان حکومتی تمانیدن ضرور ایمس لیگی تاکیدلندی". دیدی تشقی ایشلر وزیرلیگی نینگ سوزچیسی. جانان موسی زی.

موسی زی جنابلری بو کمیسیون نینگ قیته تیکله نیشگه قندی یول یورق لر کوریب چیقلیشدن سوزیورتمه دی. اما اوشبو کمیسیون نینگ توخته لیشی بیلن صلح اوچون بوله دیگن سعی حرکت لرنی توخته ب قالمس لیگینی تاکیدله دی.

قوشمه کمیسیون نینگ بیرینچی یغینی بوندن اوچ ای آلدین افغانستان جمهورریسی وپاکستان باش وزیری نینگ اشتراکی بیلن اسلام ابادده بولیب اوتدی.

اوشبو یغینده افغانستان وپاکستان دولت لری نینگ یوقاری مرتبه لی ملازملری هم حصصه قوشگندی.

ایریم تحلیلچیلر ایسه افغانستان عالی تینچلیک قوریلتای باشلیغی برهان الدین ربانینگ ترور ایتلگنیدن سونگ بو کمیسیون ایشینی توخته تیلیشی هرایککی اولکه اره سیده کی دیپلماتیک علاقه لرنی اوته ترنگلشگنی گه یقال بیر مثال دیب سوزیوریتماقده لر.