کابلده پاکستان قرشی سیده ناراضلیک نمایش یولگه قوییلدی

کابلده گی بیر قنچه سیاسی حزب لرنینگ طرف دار لری، پاکستان تمانیدن افغانستان توپراقیده قره ته راکت اوق لر آتیلیشی قرشی سیده ناراض لیک نمایش یولگه قویدیلر.

مذکور ناراض نمایش چیلر، بیرلشگن ملت لر تشکیلاتی همده ناتو کوچلری پاکستان نینگ مذکور هجومی توخته تیلیشی توغری سیده سعی قیلمه گن لری اوچون تنقید آستیده آلدیلر.

کنر ولایتی نینگ حاکمی فضل الله واحدی رسانه لر بیلن بیرگن صحبتیده، اوتگن نیچه کون دن بیری آلتی یوز دن آرتیق راکت اوقی پاکستان تمانیدن افغانستان توپراقی گه آتیلگنی نی بیان قیلیب، مذکور اوق لر نتیجه سیده اون لب اهالی اوز اوی جای لرینی ترک ایتگنی دن خبر قیلگن.

شو نینگ دیک، بوگون کی یولگه قوییلگن ناراض لیک نمایشده افغانستان شخصیت لری کیتمه کیت ترور بولیشیده هم پاکستان نینگ استخبارات اداره سی قولی بارلیگی ادعا بولدی.

شونده ی بیرحالده افغانستان و پاکستان حکومت لری نینگ رابطه لری جدی بیر شکلده اوزگریلگن. افغانستان حکومتی مذاکره لری نینگ بوندن کیین مخالف گروه لر اورنیده، پاکستان بیلن یولگه قوییشی نی معلوم قیلگن.

افغانستان جمهور رییسی حامد کرزی، پاکستان توپراقیده عصیانچیلر قرارگاه لری موجود لیگی باعث، ینگی دیپلوماسی آرقه لی مذکور مملکت بیلن مذاکره یولگه قوییشی اوستیده تاکید قیلگن.