یپک یولی نینگ قیته تیکله نیشی اوچون سعی حرکت لر

افغانستان حکومتی امریکا قوشمه ایالتلری وباشقه چیت اولکه لر همکارلیگی بیلن ییپک یولی نینگ قیته تیکله ماقچی.

اوشبو یول آچلیشی بیلن افغانستان کوپریک مقامینی قازانه دی.

اسیا نینگ مرکزی، جنوب، شرق وغربیده جایلشگن اولکه لرنی اروپا اولکه لری بیلن باغلیدی.

تشقی ایشلر وزیرلیک رسمیلرگه کوره اوشبو نینگ قیته تیکله نیشی افغانستان و امریکا نینگ قوشمه ریجه سیدن عبارت بولیب امریکا اولکه سی بوخصوصده تولیق یاردم بیریشینی سوزبیرگن.

افغانستان تشقی ایشلر وزیرلیگی نینگ سوزچیسی جانان موسی زی بو ریجه بیرلشگن ملت لر تشکیلاتی نینگ التمیش التینچی یغینده دنیا بویلب اوتز بیر اولکه نینگ وکیللری بیلن اورته گه قویلگنینی ایتدی.

اونگه کوره اوشبو اولکه لرنینگ اکثریتی یپک یولی نینگ قیته تیکله نیشگه یاردم بیریشینی ایتگنلر.

یپک یولی قیته اچیلیشی بیلن افغانستان کوپریک نقشینی قازا نه دی یعنی بودیگنی کوپلب اسیالیک اولکه لرنی بیربیرگه باغلیدی.

همده اوشبو اولکه لر بو یول طفیلی ایریم اروپا و افریقا لیک اولکه لر یگه هم یول تاپه دی.

باشقه تماندن رسمیلر یپک یولی نینگ قیته تیکله نیشی افغانستان ترقیاتی اوچون اوته مهم بولگنینی اورغولیدی.

یپک یولینی قیته تیکله نیشی ایتلرایکن لیکن، رسمیلر بویول نینگ قیته تیکله نیشی اوچون عملی ایشی، قچان وقنچه هزینه بیلن باشله نیشی باره سیده هیچ قندی معلومات بیرمیدی.

کورنیشچه امریکا و افغانستان دولتی چیت اولکه لردن کیلتریله دیگن جنس یا متاع لری اوچون بو یولنی تنله گن .

افغانستان نینگ دینگیز گه یولی بولمه گنی اوچون پاکستان ارقه لی تورلی خیل متاع لر بواولکه ده الیب کیلنه دی.

سونگی پیتلرده ایسه امریکا نینگ پاکستان بولگن علاقه لرینی یمان لشگنی باعث بویول ایشینی قیته تکله نیشی اوچون ریجه لر ایلگری سوریلماقده.

ایتلیشچه ییپک یولی نیچه مینگ ییل تاریخ گه ایگه بولگن، اوشبو یول مدیترانه دریاسیگه چه الیب باریلیشی اوچون یپک یولی دیه ناملنگن.ییپک یولی موتر اوتوبس وباشقه زمانه وی نقلیه واسطه لری کوپیشی بیلن همده چین وروسیه اولکه لریده کمونستی تیزم برپا ایتلیشدن سونگ باغلندی.