کرزی هند رهبرلری بیلن اوچرشه دی

افغانستان جمهور رییسی حامد کرزی هندوستان رهبر لری بیلن اوچره شیش مقصدیده مذکور مملکتده سفر قیگن.

کرزی جنابلری مذکور ایککی کون لیک سفریده، هندوستان باش وزیری مان موهان سینگ، تشقی ایشلروزیری ملایا کرشنا بیلن اوچره شیب، همده هر ایککله مملکت آره سیده گی رابطه لر کوچه یتیریشی توغری سیده ترقیات و خوف سیزلیک بولیم لریده ستراتیژیک کیلیشو امضا قیلیشی معلوم بولگن.

جمهور لیک ریاستی سرایی نینگ ترقه تگن بیاناتی گه کوره، کرزی جنابلری سفری نینگ ایککینچی کونیده، هندوستان تیکشیروچی مرکز لری نینگ بیریده افغانستان اون ییل لیک یوتوق لری خصوصیده هم سوز یوریته دی.

هندوستان منطقه نینگ کوچلی بیر اولکه سی صفتیده طالبان حاکمیتی آغدریلگنی دن کیین، افغانستان ترقیاتی اوچون مهم اورین نی اوینه گن.

مذکور مملکت افغانستان ترقیاتی اوچون ایککی ملیارد دالر یاردم بیریش سوزینی هم بیرگن.

کرزی جنابلری نینگ هندوستان ده یولگه قویگن سفری حساس بیر شرایط ده صورت تاپگن.

حاضر افغانستان و پاکستان رابطه لری مخالف گروه لر بیلن قرشی کوره شیش ستراتیژه سی اوچون یمان لشگن.

شونده ی بیرحالده افغانستان پاکستان نینگ عصیانچی گروه لردن حمایت قیله یاتگنی همده برهان الدین ربانی ترور ایتیلگنی توغری سیده مذکور مملکت نینگ قولی بولگنی نی اورغوله ماقده. لیکن مذکور عیبلاو لر پاکستان رسمی لری تمانیدن رد ایتیلگن.

جمهور لیک ریاستی سرایی نینگ بیاناتی گه کوره، افغانستان دولتی مملکت نینگ کیله جکده گی برنامه لری اوچون، امریکا، اروپا ده گی اولکه لر همده هندوستان بیلن بولگن رابطه لری نی کینگه یتیریب، کوچه یتیره دی.

شونینگ دیک هندوستان و پاکستان اولکه لری منطقه نینگ ایککی رقیب کوچلر دن حسابلنه دی همده پاکستان ایسه، افغانستان و هندوستان یقین رابطه لری نی مذکور مملکت ده گی خواطر لرنی کوپه یتیرگنی نی معلوم قیلگن.