ایساف: حقانی ترماغی آی اس آی تمانیدن حمایه بوله دی

افغانستانده فعالیت آلیب باره یاتگن ایساف کوچلری حقانی ترماغی نینگ افغانستان، پاکستان وچیت ایللیک کوچلر اوچون جدی تهدید اتب اوشبو ترماغی نینگ یوق ایتلیشگه اورغوبیرگن.

ایساف کوچلری نینگ سوزچیسی کارستن جیکوپسن بی بی سی بیلن بولگن صحبتیده حقانی ترماغی پاکستان جاسوسلیک خذمتی ، القاعده ترماغی وایریم عرب مملکت لری تمانیدن حمایه بولیب کیلنه یاتگنینی ایتگن.

اما بوندن الدین حقانی ترماغی رهبری سراج الدین حقانی بی بی سی گه امریکا نینگ افغانستانده کی هجومیدن کیین آی اس آی اداره سی بیلن اولر اوچون ثمره لی بولگن هیچ قندی علاقه قوریلمه گنینی معلوم قیلگن.

ایساف کوچلری گه کوره حقانی ترماغی گه علاقه دار مینگلب عصیانچی، چیگره نی اوتمانی یعنی پاکستان توپراغیده جدی بیرشلکده فعالیت قیلیب کیلماقده.

اولرنی ایتشلریچه پاکستان نینگ ایریم حدودلریدن حقانی نفر لری باش پناه صفتیده هم فایده لنماقده.

عینی حالده ایساف کوچلری بیرینچی مرته حقانی ترماغی نینگ رهبری سوزلریگه قرشی بیلدرگن مناسبتیده حقانی گروهی نینگ پاکستان جاسوس لیک خذمتی و القاعده ترماغی تمانیدن حمایه بولیب کیلنه یاگنینی اورغوله گن.

ایساف کوچلری نینگ افغانستانده کی سوزچیسی کارستن جیکوب سن بی بی سی بیلن بولگن صحبتده حقانی ترماغی نینگ چیگره حدودلرده خوف لی باش پناه لر قوریشگه موفق بولگنینی ایتگن اونگه کوره بو ترماغ اعضالری حاضرگی کونده اوز فعالیت لرینی کینگیترماقچی."حقانی ترماغی اوزون اوتمیش گه ایگه چیگره نینگ ایککی تمانیدن فعالیت قیلیب کیلماقده. بو ترماغ پکتیا ولایتیده فعالیتینی کینگیترگن بیراق اصلی مرکزی چیگره نی اوتمانیده بولگن. حقانی ترماغی ایککی تمانده هم لوژستیکی حربی مرکز لرگه ایگه بولیشینی ایستیدی. کورنیشچه اولر بو برنامه نی الدین لر عملگه اشرگن. تخمین گه کوره حقانی ترماغی نینگ 2500 نفری افغانستانده بولیب قریب 7500 نفری چیگره نی اوتمانیده فعالیت قیلیب کیلماقده."

حقانی ترماغی باشلیغی سراج الدین حقانی امریکا هجومدن کیین اوشبو گروه اوچون فایده لی بولگن هیچ قندی علاقه پاکستان جاسوس لیک خذمتی بیلن قوریلمه گنینی ایتگن.

اما ایساف سوزچیسی اوزون مدت دن بیری حقانی ترماغی نینگ پاکستان جاسوس لیک خذمتی بیلن علاقه ده ایکنینی ایته دی.

شونینگ دیک ایساف کوچلری نینگ سوزچیسی جیکوپسن حقانی ترماغی نه فقط منطقه اولکه لری بلکه جهان بویلیب جدی بیر خطر دیه فکربیلدیردی. "حقانی ترماغی نینگ نیچه ییلدن بیری آی اس آی بیلن علاقه سی بارلیگی همده بوهم اچیق دیرکه بو ترماغ القاعده بیلن هم یقین علاقه قورگن. بو خطرلی بیر اویین اولر، چیگره نی ایککی تمانیده فعال. حقانی ترماغی زهرلی بیر ییلان دیک هرکیم گه خساره یتکزه آله دی."

ایساف سوزچیسینی ایتیشچه حقانی ترماغی نینگ اورته دن ییلتیش افغانستان، خلق ارا کوچلر وهم پاکستان اوچون فایده لی.

افغان وناتوکوچلری حقانی ترماغی نی عصیانچیلیک فعالیت لر، یول چیککه سیده ماین اورنه تیش همده افغان مقاملرینی ترور ایتیش کبی واقعه لرگه قولی بارلیگی گه عیبلب کیلماقده.

شونینگ دیک ایساف کوچلری نینگ سوزچیسی حقانی ترماغی گه قرشی استراتیژی لریگه هیچ قندی اوزگریش کیلمه گنینی اورغولب، اوشبو ترماغ نینگ یوق ایتیش اوچون اوز فعالیت لرینی دوام بیریشینی تاکیدله گن.