اپل اساسچی لریدن ستیف جابز دنیا دن کوز یومدی

تکنالوژی ساحه سیده انقلاب لر قیلیب بوتون جهان اهالینی اوز کشفیات لریگه رام ایتگن ستیف جابز اوپکه سرطانی بیلن دچار بولگنی اوچون 56 یاشیده وفات ایتدی.

1976 ییلیده ستیف جابز و ستیف وازنیک تمانیدن یره تیلگن "اپل" امریکا ده هجم جهت دن ایککینچی اورین ده تورگن کمپنی حسابلنه دی.

لیکن اصلیده ستیف جابز اونینگ اوستیده 17 یاشیده اویی نینگ گراجیده ایشلده باشله گن. او ییگیت لیگیده تکنالوژی گه جوده قیزیقریدی.

1972 ییلیده اورته مکتب نی بیتیرگچ "رید" کالیجیگه قبول قیلیندی. بیرینچی سمستردن کیین اوقیشنی تشله دی لیکن مستقل روش ده بیلیم آلیشده دوام بیردی.

ستیف جابز نینگ یاش لیک ییل لری قشاق لیک ده اوتگن. او هندوستان گه سفر قیلیب بوداییزم نی قبول قیلگن. اقتداری سبب ویدیو اویینلر ایشله ب چیقاریش صنعتی ده ایش تاپیب، اطرافیگه اوزیگه اوخشه گن تکنالوژی جننی لری نی یغیب، ایزلنیشنی توخته تمه گن.

اپل- آیفون

ستیف جابز، اپل خریدار کونگلیگه یول تاپگینچه آنقیر چانقیر سوقماقلرنی باسیب اوتدی. شو بیلن اوز یولینی تاپتدی، مکینتاژ کمپیوترلر نینگ هر بیر اولادی انسانیت حیاتیگه اوزگریش آلیب کیلگن.

بوگون دنیا بویلب سیویب ایشله تیله دیگن، میلیون لب آدم لرنینگ قولیده گی اینگ مهم و قدرت لی اسباب گه ایلنگن آیفون قول تیلفونلری، آی پد قول کمپیوترلری، آی پوت- اودیو اسباب اسکونه لری آرتیده ستیف جابز دیک مهم مهندس توریبتدی.

Image copyright REUTERS

امریکا جمهور رییسی باراک اوباما، ستیف جابز نینگ عایله سی، "اپل" شرکتی و بوتون امریکا اهالیسی گه همدرد لیک بیلدرر ایکن جمله دن شونده ی دیدی.

" ستیف- امریکا نینگ اینگ بویوک کشفیات چیلریدن بیری. ایزلنیش و غایه لرنی سینه ب کوریشدن قورقمه گن انسان. او دنیا نی اوزگرتیره آلیشگه ایشانگن. اوندن سیاره میزده گی اینگ موفقیت لی شرکت لردن بیری قالدی. کمپیوتر لر شخصی جهازگه ایلندی و انترنت ایندی چونته میزده. معلومات لر انقلابی اونینگ خذمتی بیلن نه فقط حیاتی میزنی آسان لشتیردی بلکه دلیمیزنی ینگیره تدی..."

شونینگ دیک اما آلدیده قیلگن سونگی چیقیش لریدن بیریده ستیف جابز اوز مخلص لریگه الوداع دیگن دیک بولیب، حیات دن مقصد نیمه ایککنی حقیده سوزله گن ایدی.

ستیف جابز حیاتی ده گی اینگ بخت یار دملر بلکه اوز اختراع لرینی تنیشتیرگن و آدم لردن رحمت آلگن پیت لر بولگن.

او زمانوی تکنالوژی همه اوچون دیر دیب ینگی اختراع و کشفیات لر هر بیر انسان رونقی اوچون خذمت قیلیشکیره دیب حسابلر یدی.

ستیف جابز 1955 ییلیده سانفراسیسکو شهریده دنیاگه کیلگن.

او نینگ اصل آته سی، عبدالفتاح جان جندلی، سوریه لیک مسلمان، آنه سی جواننه سیمپسان ایسه امریکالیک بولگن.

جاری ییلده او، امریکا نینگ 34 اورینگه تورگن به دولت کیشی لردن حسابلنگن ایدی.

او نینگ بای لیگی 7ملیارد دالر تخمین قیلینگن.

ستیف جابز دن تورت فرزند قالدی.