" افغانستان باله لراوچون دنیا بویلب اینگ یمان مکان"

انسان حقلریدن مدافعه ایتوچی تشکیلات لردن بیری ینگی چیقارگن بیر حساباتیده افغانستان باله لرنینگ دنیاگه کیلیشی اولرنی اسره ش اوچون اینگ یمان مملکت دیه کورسه تیلگن.

حساباتگه کوره باله لردن سوی استعمال قیلیش اوریشگه اولردن فایده له نیش همده اولرنی جنسی زورلش کبی واقعه لر باله لراوچون جدی تهدید حسابله نه دی.

اوشبو گزارش انسان حقلریدن مدافعه ایتوچی رایترز انترنشنل ناملی بیر تشکیلات تمانیدن تیارلنگن.

حساباتده باله لرتولدی واولرنی اسره ش اوچون دنیا بولیب افغانستان اینگ یمان بیر اولکه دیه کورسه تیلگن. همده باله لر افغانستانده اینگ یمان تهدیدلر بیلن بیرگه ایکنی اوشبو حساباتده تاکیدلنگن.

افغانستان حکومتی باله لرنینگ حاضرگی وضعیدن تشویش بیلدریب ناقرارلیک، مردم نینگ قانون دن اگاهی سیزلیگی بوکبی تهدید لرگه سبب بولیگنینی ایتگن.

اون بیت دن عبارت بولگن اوشبو حساباتده ایسه باله لرنی اولیمی هم اساسی معما دیب کورسه تیلگن.

گزارش ده باله لردن التی فایزی تولد چاغیده حیات دن کوز یومیب 25 فایزی هم بیش یاشیده ایتیشمی هلاک بولیشی قید ایتلگن.

باشقه تماندن رایتز انترنشل تشکیلاتی اوز حساباتیده قیز باله لر اوغیل باله لرگه نسبتا جنسیت نقطه نظردن الیب قره گنده کوپراق تهدیدلر بیلن یوزمه یوز ایکنینی تاکیدله گن.

حساباتده یازیلیشچه مکتب باریش یاشیده ایتشگن قیزلردن یتمیش فایزی مکتب دن محروم.

افغانستان معارف وزیرلیگی تمانیدن بیریلگن رقم گه کوره حاضرگه قره گنده سککیز میلون دن ارتیق باله مکتب باریشگه قادیر وبولردن 41 فایزی اوغیل باله لردن عبارت بولگن.

بیرلشگن ملت لر تشکیلاتینی باله لر جمغرمه سی نینگ افغانستانده کی مسووللریدن عزیز فروتن مکتب باره دیگن باله لر رقمینی جوده از دیب بوحقده شوندی فکر بیلدردی."افغانستان حکومتی باله لرنی مکتب باریشی اوچون یخشی زمینه یره تیسن. اوزاق منطقه لرده اعتبار قره تیلیب ایشگی یاپیلگن مکتب لر قیته فعالیت گه باشله سین . یونسف باله لرنی مکتب گه باریش اوچون خلق گه اگاهلیک بیریش برنامه سینی کوپیتره دی." دیدی او.

رایتز انترنشل تشکیلاتی نینگ حساباتیده باله لر اولیمی همده اولردن عصیانچیلیک فعالیت لری اوچون سوی استعمال قیلینیشی اوته خطرلی دیب یازیلگن.

عینی تشکیلات مسووللری بووضعیت دن جدی خواطر اظهارایتگنلر.

شونینگدیک اوشبو حساباتده افغانستان ده یوزبیرگن ناقرارلیک لرده قریب بیریریم میلیون باله اوز آته انه لرینی قولدن بیرگنی معلوم قیلینگن.