"سیمین بارکزی محبوس شکلده سقلنماقده"

قانون دن حمایت ایتیش آتی بیلن قوریلگن پارلمانی اتفاق، خانم سیمین بارکزی نینگ حاضرگه قدر هم اچلیککه بولگنینی اورغولب بیراق اونی حربی کسلخانه ده محبوس شکلده سقله نیب کیلینه یاگنینی ایتگن.

اتفاق نینگ سوزچیسی اسدلله سعادتی سمین بارکزی نینگ کوریش اوچون بارگن ملت وکیللری همده اونینگ قرینداشلریگه ایزین بیریلمه گنینی تاکیدلب اونی وضعیتی اغیر ایکنینی تاکیدله گن.

پنجشنبه کیچه پارلمان بیناسی یقنیده چادر تکیب اچلیککه چیقن خانم سیمین بارکزی نینگ چادری و اوندن حمایت ایتیش مقصدی بیلن اچلیککه چیقن شخصلر چادرلری پلیس تمانیدن یغیلیب خانم سیمین بارکزی زوربیلن کسل خانه ده انتقال بیریلگن.

قریب اون تورت کون الدین اچلیککه چیققن خانم سیمین بارکز ی نینگ پلیس تمانیدن زوربیلن شفاخانه ده آلیب کیتیلگنی تورلی خیل تنقیدلرنی توغدیرگن.

ایریم ملت وکیللری همده مدنی جمعیت قوریلمه لرنینگ اعضالری پلیس نینگ بوعملی مدنی حرکت لر اوچون کتته بیر توسیق دیه سوز یوریتماقده لر.

اولرنینگ ادعا قیلیشلریچه پنجشنبه کیچه پلیس خانم سیمن بارکزی نینگ خیمه سیگه هجوم قیلیب اوندن طرفدارلیک بیلدریب اچیلککه چیققن شخصلر پلیس تمانیدن کلتک لنگن.

قانون دن حمایت ایتیش آتی بیلن قوریلگن پارلمانی اتفاق سوزچیسی اسدالله سعادتی سیمین بارکزی حربی کسل خانه انتقال بیریلیب اونی کوریش اوچون هیچ کیم حتی ملت وکیللریگه ایزین بیریلمه یاتگنینی قتیغ قاره لب چیقدی."تاسف بیلن خانم سیمین بارکزی بیلن علاقه قوریش اوچون هیچ قندی امکانیت یوق، اولر محبوس شکلده سقله نیب کیلماقده. اوتگن کون بیرقنچه ملت وکیللری کورگنی بارگندی ایزین بیریلمه دی مدافعه وزیری بیلن هم گپله شیلدی. اما، او جمهورریس کوریش اوچون ایزین بیرمه گن دیب جواب بیردی خانم سیمین حاضرهم اچیلیککه تورگن. او نینگ یقین قرینداشلریدن بیری بوگون بیزگه تیلفون آچیب اونی وضعیتی یخشی ایمسلیگیدن خواطر بیلدردی."

اما افغانستان ایچکی ایشلر وزیرلیگی ایسه سیمین بارکزی نینگ امنیتی تهدید لر باعث کسلخانه ده انتقال بیریلگینینی ایتماقده. بوحقده ایچکی ایشلر وزیرلیگی نینگ سوزچیسی شوندی دیدی." خانم بارکزی جانیگه جدی امنیتی تهدیدلر موجود ایدی. چونکی هرکیم نینگ خوف سیزلیگینی سقلش پولیس مسوولیتی دیر. خانم بارکزی چادر اورگن منطقه ده مهم ادملر کیلرایدی. دشمن نینگ شو منطقه ده هجوم قیلیشی خصوصیده بیزگه معلومات لر ایتیب کیلدی. بیزشوندی بیروضعیتنی یوزبیرمسلگی وخانم بارکزی نینگ جانیگه بولگن تهدید لرنی الدینی آلیش اوچون بوعمل گه قول اوردیک." دیب ایتدی افغانستان ایچکی ایشلر وزیرلیگی نینگ سوزچیسی صدیق صدیقی.

عینی حالده صدیقی جنابلری قورال سیز پلیس عسکرلری منطقه ده باریب سیمین بارکزی اونینگ چادری اطرافیده اوریلگن چادرلرنی یغقنینی تاکیدلب، هیچ کیم گه ازار بیریلمه گنینی ایتدی.سیمن بارکزی هرات ولایتیدن پارلمان گه یول تاپگندی ، بوندن قریب ایککی آی الدین مستقل سیلاولر کمیسیونی سککیز کیشی و خانم بارکزی نینگ قلاب کارلیک لریگه عیبلب پارلماندن چیت لنتردی.

خانم بارکزی حاضرگه قدر هم اوقات یمسلیک اعتصابیگه بولگنی ایتیله دی او ایسه اوز دوسیه سی خلق ارا قوریلمه لر دن بیری تمانیدن قیته کوریب چیقلمه سه اعتصاب دن قول تارتمسلیگینی ایتگن.

خانم بارکزی سونگی چیقارگن بیاناتیده اوقات یمسلیک اعتصابی اونی اولیمگه سبب بولسه،افغانستان جمهورریسی حامدکرزی، جمهورریس اورین باسری قسیم فهیم، ولسی جرگه و مستقل سیلاولر کمیسیون رییس ری اولیمگه مسوول دیه فکربیلدیرگن.