" ناراضیلیککه سبب بولگن عامللر اورگه نیله دی"

افغانستان حکومتی افراطی چیلیک و مردم نینگ دولت دن ناراضیلیگیگه نیمه لر سبب بولگنینی اورگه نیش اوچون تحقیقات الیب بارماقچی.

اون تورت نفر اعضالیگده بولگن اوشبو تحقیقاتی گروه افغانستان ملی امنیت کینگاشی و ایساف تمانیدن تشکیل ایتیلگن.

اوشبو تحقیقاتی گروه نینگ بیرینچی اولتریشی کابلده اوچ کون گه قدر دوام تارتیشی کوتیله دی.

اوشبو اولتریشده مردم نینگ ناراضیلیگیگه نیمه لر سبب بولگنی محاکمه ایتیله دی.

بوندن آلدین جمهورریس کرزی نینگ ناتو نینگ سابق افغانستانده کی قوماندانی وبیرلشگن ملت لر تشکیلاتی نینگ سابق وکیلی بیلن افراطی چلیک ومردم نینگ ناراضیلیگی خصوصیده بولگن صحبتی گه ماس اوشبو تحقیقات الیب باره دیله دی.

افغانستان ملی امنیت کینگاشی نینگ رییسی داکتر رنگین دادفر سپنتا مردم نینگ ناراضیلیگی کینگ کولمده موجود ایکنینی تاکیدلب بونگه افغانستان حکومتی وخلق ارا خارجی کوچلرنینگ عیبدار بیله دی." فساد مسله سی، قانون گه بها بیرمسلیک، دولتی میزنینگ قانوننی تطبیق قیله المه گنی شک سیز مردمی میزنینگ ناراضیلیگیگه سبب بوله دی. باشقه تماندن افغانستان نینگ ملی ودینی قدریت لریگه اعتباربیریلمه گنی کیچه تمانیدن قیدرو عملیات لری شک سیز مردم نینگ ناراض قیلگن. " دیدی او.

اروپا بیرلیگی نینگ افغانستاند ه کی سابق ایلچی سی فرانسس ویندرل همده بیرلشگن ملت لر تشکیلاتی نینگ سابق وکیلی کای ایدی تشکیل ایتلگن تحقیقات الیب باروچی هیات ترکبیده بولگن.

ویندرل جنابلری اوشبو اولتریشده افراطی چیلیک نی قندی وقیردن قیناق الگنی خصوصیده صادقت لی بحث بولیشی ضرور لیگینی تاکیدلیدی."افراطی چلیکنی بارلیگی و یوق لیگی خصوصیده صداقتلی بحث بولیشی کوپ مهم اگر موجود بولسه بو ینگی بیر موضوع مه یاکی ایسکی تاریخ گه ایگه مه، دلیل لری نیمه؟ بو افغانی یاکی اسلامی بیر پدیده می همده مسیحیت یهودیت هندوایزمگه هم علاقه لی مه چقور فکر قیلیب اطراطی چلیک نی دلیلی نیمه بولگنینی ایتش لازم."

بومناسبت بیلن کابلده یولگه قویلگن یغینده حصصه قوشگن ایساف کوچلری نینگ قوماندانلریدن جنرال هاریسون تحقیقات الیب باروچی گروه تمانیدن ایلگری سوریله دیگن تکلیف نیننگ عملی قیلیشینی سوزبیردی.

ایریملر سیاسی، اقتصادی، واجتماعی معمالر مردم نینگ ناراضیلیگیگه سبب بولگنینی ایتیب اوشبو ناراض کیشی لر عصیانچیلر صفیگه قوشیله یاتگنینی تاکیدله ماقده.

افغانستان حکومتی الیب باریله دیگن تحقیقات نتیجه سیگه اساس له نییب ناراض کیش لرنی رضایتینی کسب ایتشگه امیدبیلدرماقده.