افغانستان خلقی نینگ اوتیز فایزی کم بغل

Image copyright AP

رسمی حسابات گه کوره، جنوبی آسیاده گی اولکه لر قطاریده، افغانستان اینگ کم بغل مملکت لردن حسابلنیب کیلگن.

شو نینگ دیک افغانستان نینگ اوتیز دن آرتیق فقرا سی کم بغل لیک بیلن حیات کیچیرماقده.

شو نده بیر حالده بیر لشگن ملت لر تشکیلاتی اکتوبر آیی نینگ 17 نچی سینی خلق ارا کم بغل لیک بیلن قرشی کوره شیش کونی دیب نام لب، کمبغل لیک نینگ اورته دن ایلتیش اوچون دنیاده تورلی برنامه لرنی یولگه قویه دی.

اما تحلیل چیلر نینگ معلوم قیلیش لریچه، افغانستان ده خلق ارا هم جمعیت مملکت لری نینگ یاردم لری بیلن، حاضر گه چه دولت کم بغل لیک نینگ اورته دن ایلته آلمه گن.

حکومت رسمیلری ایسه، اوتگن نیچه ییل ده آذوق آوقت کم لیگی بیر یاقدن، قوروق چیلیک لر باشقه تماندن، افغانستان ده کمبغل لیک میزانی نینگ کوپه یتیریشیگه سبب بولگن دیب معلوم قیله دیلر.

مذکور قیین چیلیک لردن تشقری، افغانستان ده ایش سیز لیک مسئله سی هم کوزگه کورینر لی درجه ده کورینه دی.

کابل، افغانستان نینگ پایتختی بولگنی اوچون، تورلی هر قنده ی بیر یشاوچی اوچون یخشی دیب کورسه تیلگن. لیکن شونده ی بولسه هم، مذکور شهر نینگ هر منطقه سیده، یوزلب ایش سیز انسان ایش تاپماق اوچون یغیله دیلر.

ایش سیز کیشی لردن عبدالمنان گه کوره، او غزنی ولایتی دن کیلیب، قیین چیلیک بیلن اوزیگه کونده لیک ایش تاپه دی. اونگه کوره، او تاپگن پولی نی غزنی ده یشه یاتگن عایله سیگه یوباره دی .

شونده ی بیر حالده، ایریم شرکت لر تورلی ساحه لرده توزه تگن به دولت کیش لر هم کابل شهریده انچه کوپه یگن. مذکور کیشی لردن بیری یوسف نینگ معلوم قیلیشی چه او شرکت لریگه 150 آدمگه ایش بیرگن. و اولرگه آیلیک شکلده پول توله یدی.

کورینیشیچه، افغانستانده بوگون، سوادی بولمه گن همده تحصیل قیله گن کیشی لر ایش تاپیش اوچون قینه لیب حیات کیچیره دیلر. بو قیین چیلیک مملکت نینگ هر بیر ولایتی ده کوزگه کورینه دی. شو نینگ افغانستان نینگ میلیون لب یشاوچی سی آذوق آوقت ده جدی احتیاج لری بار.

بو حالتده قرگنده تحلیل چی لردن اسدالله ولوالجی ایسه، افغانستانده گی کم بغل کیشی لری گه دولت مسلکی تعلیم بیریش زمینه سی نی یره تیب، اولر نینگ خارجی اولکه لرگه یوباریشی ممکن دیب ایته دی.

افغانستان ده کم بغل کیش لر سانی کوپ لیگی دن شونده ی بیرحالده کوپه یگن کیم، قوروق چیلیک لر همده ایش سیزلیک مسئله لری خلق حیاتی نینگ تأثیر آستیده کیلتیریب، اولر نینگ ایریم قیین چیلیک لر بیلن یوزمه یوز قیلگن.

شونده ی بیر حالده قیش فصلی یقین بولیشی بیلن، افغانستان کم بغل یشاوچی لری نینگ خواطر لری نی کوچه یتیرگن.

شونده ی بیرحالده ایش بیلرمان لر نینگ معلوم قیلیش لریچه، کم بغل لیک نی اورته دن ایلتیشی، کم بغل و به دولت مملکت لرنینگ قوشمه سعی و حرکت لری گه جدی احتیاجی بار.