جنرال دوستم حکومت دن قتیغ تنقید قیلدی

اسلامی جنبش حزبی نینگ اورین باسرلریدن سیداحمدسید، اسلامی جنبش حزب نینگ رهبری پیامی گه اساس له نیب اوشبو حزب اعضالریگه قرشی حکومت تمانیدن دوسیه توزه لیشدن خواطر بیلدردی.

اوتگن پنجشنبه کونی جوزجان ولایتی نینگ مرکزی شبرغان شهریده بولیب اوتگن یغیلشده، اسلامی جنبش حزب نینگ رهبری جنرال عبدالرشید دوستم پیامی اوقلیب، اوشبو پیامده اسلامی جنبش حزب نینگ کدرلریدن دولت فایده لنمی بلکه اولرگه قرشی دولت تمانیدن دوسیه لر توزه له یاتگنی باره سیده معلوم قیلینگندی.

اوشبو پیام گه ماس بی بی سی اوزبیک خذمتی جنبش اسلامی حزبی نینگ اورین باسرلریدن سید احمد سید بیلن علاقه قوریب بوپیام نیمه نی انگله ته دی دیب اونگه سوال بیردی.

سید احمدسید جنابلری بوباره ده شوندی جواب بیردی" اسلامی جنبش حزبی ریاست جمهوررلیک سیلاوده کرزی دن حمایت بیلدریب بوایسه اونی غلبه قازانیشگه سبب بولدی.کرزی جنابلری اوشه پیت بو حزب گه دولتی اداره لرده اورین بیریشینی سوزبیرگندی اما بیرگن وعده سیگه توخته مه دی ." دیدی او.

عینی حالده سیدجنابلری حکومت سونگی پیتلرده دولت اداره لرده وظیفه الیب باره یاتگن جنبش حزب گه علاقه دار کیشی لرنی وظیفه لریدن چیتلنتریش اوچون هم حرکت لر بوله یاتگنیدن جدی خواطر اظهارایتدی اما، جنبش اورین باسری بونگه دلیل نیمه بولگنی باره سیده اچیقچه معلومات بیریشدن باش تارتدی.

افغانستان اسلامی جنبش حزبی نینگ رهبر واساسچیسی جنرال عبدالرشیددوستم حاضرگه قره گنده افغانستان قوراللی کوچلر باش قوماندانی نینگ ارکان رییسی صفتیده وظیفه الیب بارماقده. اما جنبش اسلامی حزبی نینگ اورین باسری ایسه ایترلیچه صلاحیت بیریلمه گنینی ایته دی .

اونگه کوره جنرال عبدالرشید دوستم بو وظیفه گه بولیشی بیلن مملکت بویلیب یولگه قویله دیگن کتته خوف سیزلیک یغینلریده حصصه قوشیشی لازم همده حربی ساحه لرده کی برنامه لرده هم اونی فکر اورگه نیلشی ضرور بیراق حکومت بوکبی مهم موضوع لرگه اونینگ فکرینی اورگنمیدی.

احمد سید جنابلریگه کوره، ملی اسلامی حزبی افغانستان ده کی سیاسی، اجتماعی ساحه لرده اینگ فعال بولگن حزب لردن بیری سنله دی شونینگ دیک اونینگ ایتیشچه بو حزب افغانستان ده کیلگن اوزگریش لرگه اساسی رولنی اوینب کیلگن.