افغانستان فرانسه بیلن اوزون مدتلی رابطه قورماقده

Image copyright Getty

کیله سی ایککی کونگه چه افغانستان و فرانسه اولکه لری آره سیده ینگی ستراتیژیک بیر کیلیشو امضا بولیشی بیلگی لنگن.

فرانسه تمانیدن، سیاسی، خوف سیزلیک، فرهنگی اقتصادی و تعلیمی بولیم لرده افغانستان ده یاردم بیریشی مذکور سند ده معلوم بولگن.

مذکور اوزون مدتلی علاقه لر باغلنیشیدن اساسی مقصد، 2014 نچی ییل دن کیین افغانستان نینگ، قوشنی مملکت لری اره لشیش لریدن سقله یشی دیر دیب معلوم بولگن.

افغانستان حکومتی گه کوره، مذکور سند بیش ییل گه قدر رسمیاتی بوله دی. شونینگ دیک هر ایکله مملکت موافقه سی بیلن دوام تارتیشی هم ممکن.

نیچه پیت آلدین افغانستان، اوزون مدتلی همکارلیک بیر سند نینگ هندوستان بیلن هم امضا قیلگن ایدی. و حاضر ایسه شو سند گه اوخشه گن ستراتیژیک علاقه نینگ فرانسه بیلن قورماقده.

شونده ی بیرحالده، یقین ده یولگه قوییلیشی کوتیله یاتگن عنعنوی لویه جرگه تاییدی بیلن افغانستان دولتی امریکا قوشمه ایالت لری بیلن هم اوزون مدت لی ستراتیژیک علاقه قوریلیشی کوتیلماقده.

امریکا نینگ حربی قرار گاه لری افغانستانده ایجاد ایتیلیشی مذکور سند نینگ مهم بحث لریدن سنله دی.

افغانستان دولتی، مذکور سند لرنینگ امضا قیلیشی دن اساسی مقصد، 2014 نچی ییل دن کیین، چیگره داش مملکت لر اره لشمس لیگی و ایچکی اوریش لر باشله نیش احتمالی نینگ آلدینی آلیش دیب معلوم قیلگن.