پارلمان و سیاسی حزب لر جرگه نینگ نا قانون دیگن

افغانستان حکومتی، امریکا بیلن اوزون مدت لی علاقه قوریش اوچون، عنعنوی لویه جرگه نینگ یولگه قوییشی دن اساسی مقصد، خلق نماینده لری نظر لری نینگ آلیش دیر دیب معلوم قیلگن.

اما پارلمان اعضا لری بیلن قوشیمچه، حکومت سیاست لریگه قرشی تورگن سیاسی ائتلاف لر مذکور جرگه نینگ قانون قرشی سیده بولگنی نی ادعا قیلماقده لر.

امریکا قوشمه ایالت لری بیلن اوزون مدت لی علاقه لر قوریش مقصدیده لویه جرگه یولگه قوییلیش مسئله سی اوتگن نیچه آی دن بیری افغانستان و جهان مطبوعاتیده جدی بحث لرنی توغدیرگن.

پارلمان اعضا لری بیلن قوشیمچه نیچه سیاسی حزب لر مذکور جرگه ده حصه قوشمه سلیک لرینی معلوم قیلیب، بو جرگه یولگه قوییلیشی یککه جمهور رییس کرزی نینگ فکری بولگنی نی ایتگن لر.

حکومت قرشی سیده ینگی ایجاد ایتیلگن ملی جبهه ائتلافی نینگ اعضا لریدن سید انور سادات، امریکا بیلن اوزون مدتلی علاقه لر قوریلیشی نینگ تاییدی فقط گینه پارلمان صلاحیت لریدن بولگنی نی معلوم قیلدی.

شو نینگ دیک، داکتر عبدالله عبدالله رهبرلیگیگه فعالیت قیله یاتگن تغییر و امید ائتلافی هم مذکور جرگه ده خلق نینگ اصیل نماینده لری تیله تیلمه گنی نی ایته دی.

"افغانستان ده بجریله یاتگن شونقه ایش لرنینگ معنی سی نیمه؟ کوچ نینگ هر قیمت بیلن ادامه بیریش دیر. بونی نتیجه سی نیمه بوله دی؟ نتیجه ده، خوف سیزلیک کوپه یه دی، سیاسی فضا مغشوش بوله دی، تشقی مملکت لر اره لشه دیلر، و بی بند و بارلیک کوپه یه دی. بو جرگه اساس دن قانونی ایمس، افغانستان باش قانونی گه قرشی یولگه قوییله دی، یاشیرینچ هدف لری بار، شو نینگ دیک هرقنده ی فصیله مذکور جرگه ده، افغانستان خلقی نینگ تاییدی بولمه یدی. و خلق نینگ وقت تلف لیگیگه باعث بوله دی."

مذکور تنقید لرگه قرگنده، افغانستان حکومتی ایسه، امریکا بیلن اوزون مدتلی علاقه لر قوریش اوچون یولگه قویاتگن لویه جرگه دن مقصد خلق نماینده لری نینگ نظر لرینی ترقه تیش دیب ایتگن.

جمهور لیک ریاستی خوف سیزلیک کینگاشی نینگ باشلیغی رنگین دادفر سپنتا مذکور جرگه نینگ نظر لری عملی بولمس لیگیگه ایشانچ بیرگن.

" سیز لر کوره سیز لر که، انتقال دوره سی یقین بولیشی بیلن همده افغانستان بیلن همکارلیک قیله یاتگن 49 ممکت نینگ وظیفه لری اوزگرتیریلیشی بیلن، بو همکارلیک لرگه سهمی بولگن مهم مملکت لر، افغانستان بیلن ایککی تمانلمه روابط لری نینگ منظم قیلیش لرینی ایتسه یدیلر. افغانستان هم ملی حاکمیتی نینگ قولگه کیلتیریشی اوچون، سعی قیلماقده و بو مسئله بیرلشگن ملت لر تشکیلاتی نینگ خوف سیزلیک کینگاشی تمانیدن یقین کیله جککه تایید بوله دی."

حاضر گه چه، امریکا بیلن اوزون مدتلی علاقه لرنینگ جزییاتی همده لویه جرگه نینگ آجندا سی انیق بولمه گن.

باشقه تماندن، امریکا بیلن افغانستان آره سیده امضا بولیشی کوتیله یاتگن ستراتیژیک علاقه لر نینگ بیر قسمی، امریکا افغانستان نینگ نیچه منطقه سیده دایمی حربی قرار گاه قوریشی معلوم بولگن.

معلومات لر اساسیده، قندهار، شیندند، بگرام، خوست، جلال آباد و مزار شریف امریکا کوچلری نینگ دایمی حربی قرار گاه لری صفتیده بیلگی لنگن.

شو نینگ دیک، بیر قنچه تحلیل چیلر نینگ معلوم قیلیش لریچه، امریکا نینگ افغانستان ده گی دایمی قرار گاه لری ایجاد ایتیلیشی، عصیان چیلر قرشی سیده کوره شیش مقصدیده هیچ قنده ی فایده یتکزمه یدی. بلکیم، روسیه، ایران و چین کبی اولکه لر نینگ ایریم خطر لر بیلن دوچ قیلیشی ممکن