پاکستان: ناتو وامریکا بیلن بولگن علاقه لرنی کوریب چیقه میز

ناتو کوچلری نینگ هوای هجومیده 24 پاکستانلیک عسکرهلاک ایتیلیشی آرتیدن پاکستان حکومتی ناتو وامریکا بیلن بولگن علاقه لرینی قیته کوریب چیقیشینی معلوم قیلگن.

پاکستان باش وزیری، یوسف رضا گیلانی باشچلیغیده تشکیل ایتیلگن مخصوص کمیته ناتو نینگ تامینات یولی نی باغلب قویلیشگه قرار چیقارگن. گیلانی جنابلری بو هجوم نینگ پاکستان حاکمیتی گه اچیق بیرتجاوز دیب فکربیلدرگن.

امریکا نینگ تشقی ومدافعه وزیرلیک لری ، قوشمه بیانات ترقه تیب، بو موضوع نی جدی تیکشره یاتگنینی معلوم قیلگن همده، ناتوکوچلری تمانیدن هم بوخصوص ده تیکشرو ایشلری باشله تیلیشیدن خبربیرگن.

اوشبو قوشمه بیاناتده امریکا تشقی ایشلر وزیری هیلاری کلینتون وباشقه بیر قطار امریکا لیک حربیلر پاکستان لیک همکسب لری بیلن تیلفونی علاقه قوریب اوشبو حادثه دن تاسف بیلدریب ایککی اولکه اره سیده بولگن علاقه لرنی مهم لیگینی تاکیدلب اوتگن.

اما پاکستان دولتی نینگ مدافعه کمیته سی ، امریکا و ناتو بیلن بولگن استخباراتی ، سیاسی ، دیپلماتیک ونظامی قوشمه همکارلیک لرنی قیته کوریب چیقشینی ایتگن.

بو خبر دن بیرنیچه ساعت اوتیب اوتمس پاکستان دن کیله یاتگن خبرلرگه کوره اوشبو اولکه نینگ چیگره کوچلری ناتو موترلرینی چیگره دن اوتیب قیتیشینی منع ایتگن.

عینی حالده پاکستان نینگ مدافعه کمیته سی تمانیدن چیقاریلگن بیاناتده امریکا لیک لر اوچوچی سیز اوچاق لری اوچون فایده له نه یاتگن شمسی هوا پایگاه نی 15 کونگه قدر بوشه تیلیشی طلب قیلینشی ممکن لیگی ایتیلگن.

پاکستانده کی بی بی سی خبرنگارلریدن بیرینی ایتیشچه بو طلب الدین هم پاکستان دولتی تمانیدن ایلگری سوریلگن ایکن.

هجوم تفصیلاتی

هجوم محلی وقت بیلن کیچکی ساعت 2 ده افغانستان چیگره سیدن قریب ایککی یریم کیلومترلیک اوزاق لکیده جایلشگن منطقه ده یوزبیرگن.

پاکستان حربی سی نینگ سوزچیلریدن بیریی، اوشبو هجوم پاکستان شمال غربیده جایلشگن مهمند حدودیده اویشتریلگنینی معلوم قیلگن.

محلی مقاملریگه کوره ناتو کوچلری نینگ تیک اوچرلری تاغ یانیده جایلشگن حربی پوسته لردن بیریگه هجوم قیلگن.

هجومده کمیده 24 عسکر هلاک و 13 عسکر یره لنگنی خبربیریلگن.

ناتو کوچلری نینگ افغانستانده کی سوزچیلردن بیری جنرال کارستن جاکوبسن اوشبو هجوم باره سیده بیلدرگن مناسبتیده شوندی دیگن " افغان وناتو کوچلری منطقه ده موجود ایکن، تکتیکی بیرموقعیت یوزه چیقنن."

ناتوکوچلری نینگ عمومی قوماندانلیگی بو حادثه باره سیده تولیق تحقیقات آلیب بارلیشی گه ایشانچ بیلدرگن.