مشعل : جنگوی لشکری آی اس آی تمانیدن حمایه بوله دی

Image copyright AFP

افغانستان حکومتی لشکری جنگوی ناملی ینگی بیر فرقه افغانستانده بولمه گنینی تاکیدلب، کابلده کی حادثه ده پاکستان لیک جنگوی لشکری تمانیدن اویشتریلگنینی ایتگن.

اوزینی جنگوی افغانستانلیک فرقه سینی باشلیغی دیب تانشترگن علی شیرخدا ، پاکستان لیک جنگوی العالمی فرقه سیدن الهام له نیب کابلده کی هجوم اوشبوگروه ادملری تمانیدن اویشتریلگنینی ایتگن.او پاکستان نینگ بلوچستان منطقه سیده بی بی سی خبرنگاری بیلن بولگن صحبتده بو اظهاراتنی بیان ایتگن.

افغانستان ریاست جمهورلیک سرای نینگ سوزچیسی ایمل فیضی افغانستان ده جنگوی ناملی قندی دیر فرقه بولمه گنینی اورغوله دی . همده عاشورا کونی کابلده کی ابوالفضل زیاتیده یوزبیرگن قانلی هجوم بار ه سیده تیکشریش الیب باریش اوچون پاکستان حکومتی بیلن صحبت قیلیش ضرور لیگینی تاکیدله دی.

"هجوم مسوولیتینی جنگوی لشکری اوز بوینیگه الگن بو گروه پاکستانده فعالیت الیب باره دی؛ اما کینچه لیک اوزینی افغانستان لیک جنگوی لشکری باشلیغی دیب تانشترگن باشقه بیرشخص حادثه مسوولیتینی اوزبینگه الگن هرحالده هجوم چیرگه نی اوتمانیدن اویشتریلگن شوباعث بو موضوع نی پاکستان حکومتی بیلن اورتگه قویش ضرور.".

اوزینی افغانستان لیک جنگوی لشکری باشلیغی دیب تانشترگن شخص سنی لر یشیدیگن حدودلرده شیعه لر فعالیتنی آلدینی الیش اوچون کابل ده کی هجوم اویشتریلگندیب فکر بیلدرگن.

افغانستان ملی استخبارات اداره سی نینگ سوزچیسی لطف الله مشعل جنگوی لشکری نینگ پاکستان استخبارات حمایه سی بیلن فقط پاکستانده فعالیت قیلیب کیله یاتگنینی اورغولب بوحقده شوندی دیدی."جنگوی لشکری افغانستانده کی مذهبلری اره سیده نفاق تشلش اوچون بو هجومنی اویشتردی لیکن اولر اوز مقصد لریگه ایرشمه دی شوباعث هم اوز موقفیدن قیتدی. بیزنینگ ایشانچی میز کامل دیرکی کابلده کی هجوم جنگوی لشکری تمانیدن اویشتریلگن."

عینی حالده امریکا قوشمه ایالت لری نینگ افغانستانده کی ایلچیسی ریان کراکر هم افغانستانده جنگوی لشکری نینگ فعالیتی بولگنی خصوصیده شک شبهه بیلن قره گن.

عاشورا کونی مراسیمده پایتخت کابلده جایلشگن ابوالفضل ناملی زیارتیده یوزبیرگن انتحاری هجومده قریب یتمیش کیشی قربان بولیب، 150 دن ارتیق انسان یره لنگندی. اکثری انتحاری هجوملرده قولی بارلیگی گه عیبله نیب کیلگن طالبان عصیانچیلری اوشبو هجوم نینگ رد ایتگندی.

اما اوزینی افغانستان لیک جنگوی فرقه سی باشلیغی دیب تانشترگن بیر شخص بی بی سی بیلن بولگن صحبتیده هجوم، اوشبو فرقه ادملری تمانیدن اوشتریلگنینی رد ایتمه گن.