تجارت وزیرلیگی نفت بازارینی نظارت قیله دی

Image copyright Getty

افغانستان تجارت وزیرلیگی مملکت ده نفت گاز نرخی نی کنترول قیلیش اوچون سرمایه یاتقزیشینی معلوم قیلگن.سونگی پیتلرده یاقیلغی ماده لر نرخی نینگ ارتیب باریشی آرتیدن بوقرار چیقاریلگن.

افغانستان تجارت وزیری انور الحق احدی نفت گاز نرخی نینگ بیر سطح گه اوشلب توریش اوچون کمیده 50 میلیون امریکالیک دالرگه نیاز بارلیگینی ایتدی.

اونی ایتیشچه:" دولتی نفت تصدی لری نینگ ظرفیتینی یوکسلترش بیزنینگ بیرینچی برنامه میز بولیب، خلق ارا قراردادلرنی امضالش اوچون 50 میلون دالر مالیه وزیرلیگیدن طلب قیلگن میز."

عینی حالده تجارت وزیری ایککینچی برنامه خصوصی سکتور نینگ نظارت قیلیش بولگنینی تاکیدله گن.

شونینگ دیک احدی جنابلری بوبرنامه لر اوچون طلب ایتیلگن یاردم قبول قیلینسه اوزون مدت بازارنینگ نظارت قیلیش امکانیت یره تیلیشگه ایشانچ بیلدردی.

اونگه کوره یاقیلغی ماده لر نرخی نینگ یوقاری کیتیشی آلدی آلینه دی. همده احدی جنابلری نفت بهاسی نینگ یوقاری کیتگنیگه اساسی عامل خصوصی سکتور مالک لرینی توغریدن توغری قولی بارلیگیگه عیبله دی.

اونگه کوره اولر، اوزمنفعت لری اوچون بوعمل گه قول اورگنلر.

افغانستانده گاز نرخی کوتیلمه گن درجه ده یوقاری کیترایکن، تجارت وزیرلیگی 10 تن گازنینگ تشقی اولکه لردن الیب کیلنیب دولتی مغازه لر ارقه لی ساتیلشینی ایتدی.

عینی حالده گاز نینگ معین بیر قیمت ده ساتیلیشی گه بویوروغ چیقاریلیب، قوییلگن معین نرخی نینگ اینابتگه المه گن شخص لر بیلن جدی یانداشلیشی تاکیدلنگن.

دولت نینگ بوباره ده چیقارگن سونگی قراری نه فقط قیمت لرگه تاثیر قویمه گن بلکه گاز نینگ بازارلرده کمیشگه سبب بولیب آلدین دن کوره هم گاز نرخی یوقاری کیتگن.

افغانستان تجارت وزیرلیگی بیر کیلو گاز نینگ 59 افغانی ساتیلیشی اوچون نرخ قویگندی، لیکن حاضر بازارده بیر کیلو گاز 8 – 85 افغانی ساتیله دی.

عینی معما باعث نماینده لر کینگاشی هم بوموضوع نی عمومی یغینده بحث گه آلیب بوبارده تجارت وزیرلیگی نینگ جواب گرلیککه چقرگندی لیکن ملت وکیللرینی سعی حرکتی هم اونچه لیک نتیجه بیرمه دی.