ناتو:جاری ییلده موفقیت لیک لرگه ایرشگن میز

Image copyright 1

افغانستانده فعالیت آلیب باره یاتگن ناتو کوچلری 2011 نچی ییل نی عصیانچی لر بیلن قرشی کوره شیش توغریسیده خارجی کوچلرگه موفق ییل بولگنینی معلوم قیلگن.

اوشبو کوچلرنینگ بیلدیریشیچه، جاری میلادی ییلده تورلی منطقه لرده حربی عملیات یولگه قویب عصیانچیلر فعالیتینی قیسقرتیرگن.

ناتوکوچلری، مملکت بیر قنچه ولایت لر خوف سیزلیک مسوولیت لری نینگ افغان کوچلری گه تاپشیریلیشی نی هم ایریشلگن یوتوق لردن بیری دیب بهاله دی.

ناتو کوچلری نینگ کابلده گی سوزچیسی جنرال کریستین جاکوبسن گه کوره، جاری ییلده عادی اهالی تلفاتی یوز بیرگنی ده کوپراق طالبان گروهی مسوول.

"بیرنرسه انچه انیق، 2011نچی ییل ده کوپ گینه عادی اهالی هلاک بولگن. بولر نینگ 80 فایزی، عصیانچی قوراللی کیشی لرنینگ رحم سیز هجوم لری و یول چیککه سیده اورنه تیلگن ماین لر پارتله نیشی، عاقبتیده، صورت تاپگن. هرچند 2010 نچی میلادی ییل ده عصیان چیلر هجومی کوپه یگن ایدی اما بیز 2011 نچی ییل ده مذکور هجوم لر آلدینی آلیش گه قادر بولیب، کمیتیرگن میز. افغانستان نینگ ایریم حدود لریده خوف سیزلیک مسئله سی یخشی بولگن، حتی که بیر قنچه منطقه لرده اولرنینگ اوشله ب آلگن میز. دیب ایتدی ناتو سوزچیسی"

هرچند جاکوبسن جنابلری جاری ییلده یوز بیرگن تلفات لر رقمی باره سیده هیچ نرسه دیمه دی، لیکن نیچه آی آلدین بیرلشگن ملت لر تشکیلاتی تمانیدن ترقه تیلگن حسابات، افغان لر جاری ییل ده ایریم زوراوانلیک لر بیلن یوزمه یوز بولیب، تلفات رقمی اوتگن ییل دن کوره 15 فایز کوپه یگنی نی معلوم قیلگن ایدی.

اوشبو تشکیلات نینگ معلوم قیلیشچه، جاری ییل نینگ یریمی گه قدر، زوراوانلیک لر باعث، بیر مینگ و 500 عادی اهالی مملکت نینگ ایریم حدود لریده هلاکت گه اوچره گن لر.