کرزی، تونگی عملیات لرنینگ توخته تیلیشینی ینه بیربار طلب قیلدی

Image copyright BBC World Service
Image caption بوندن آلدین هم کرزی جنابلری تونگی عملیات لرنینگ توخته تیلیشینی جدی بیرشکلده طلب قیلگندی

افغانستان جمهورریسی حامدکرززی ناتوکوچلری تمانیدن یولگه قویلیب کیلینه یاتگن تونگی عملیات لرنی زودلیک توخته تیلشینی طلب قیلگن.

بوندن اوچ کون آلدین پکتیا ولایتی نینگ مخدره ماده لرگه قرشی کوره شیش اداره باشلیغی اویده ناتو کوچلری تمانیدن عملیات یولگه قویلگن لیگی جمهوررییسی کرزی نینگ ینه بیربار غضبنی قوزغاتگن.

جمهوررییس کرزی بیر بیانات ترقه تیب پکتیاده کی عملیا نینگ قتیغ قاره لب زودلیک بیلن کیچکی عملیات لرنینگ توخته تیلیشینی خارجی کوچلردن طلب قیلگن.

پکتیا ده یوزبیرگن عملیات دن کیین ناتو کوچلری نینگ عمومی قوماندانی جان آلن کرزی بیلن اوچره شیب بو حادثه نی یوزبیریشدن عذرسوره گن ایکن. لیکن کرزی نینگ بوقطعی قراری ناتو قوماندانی بیلن اوچره شگنیدن کیین صادیر ایتیلگن. بوایسه ناتو قوماندانی نینگ کرزی بیلن بولگن اوچره شوونی اونچه لیک ایجابی توشمه گنینی کورسه ته دی.

پکتیا ولایتی نینگ ولایت حاکمی سوزچیسی روح الله سمون ناتو کوچلری تمانیدن حبیسگه الینگن مخدره ماده لرگه قرشی کوره شیش اداره رییسی بیر اوغلی بیلن ازاد بولگنینی ایتیب بوحقده شوندی دیدی: حادثه دن ایککی کون اوتگنیدن کیین ناتو نینگ محلی قوماندانی ولایت ده چقریلدی. او، عملیات نینگ خطا بیلن یولگه قویلگنینی تن آلیب بیز عذر سوری میزدیب ایتدی. ولایت حاکمی عذر سوره ش بیلن بو موضوع حل بولمیدی دیب ایتدی حاضر هم مخدره ماده لرگه قرشی کوره شیش رییسی نینگ بیر اوغلی ناتوکوچلری توتقنیده نیگه اونینگ اوشلب تورگنی حاضرگه چه هم بیللی ایمس."

پکتیا ولایتی نینگ مخدره ماده لرگه قرشی کوره شیش اداره باشلیغی اویده، ناتو کوچلری تمانیدن یولگه قویلگن عملیاتده اونینگ حامله تورمیش اورتاغی هلاک بولیب باشقه تورت کیشی یره لنگندی.

ایندی لیکده محلی رسمیلرگه کوره ناتو بو عملیات نینگ اشتباه بیلن یولگه قویلگن لیگنی ایتگن.

هرچند افغانستان جمهورریسی حامدکرزی تونگی عملیات لر حکومت و مردم نینگ اره سیده فاصله یره تیشنی اورغولب شوباعث هم بیرنیچه مرته بوکبی عملیات لرنی توخته تیلیشی طلب قیلیب کیلگن. همده بولیب اوتگن عنعنوی لویه جرگه ده هم بو مسله محاکمه ایتلیب جرگه اشتراکچیلری تمانیدن تونگی عملیات لر توخته تیلیشی طلب قیلینگندی لیکن ناتو کوچلری عملیات لرنی موفقیت لی اتب دوام بیریشینی تاکیدلب کیلماقده لر.

بیراق ناتو کوچلری کرزی نینگ بو سونگی قطعی قراریگه حاضرگه چه قندی دیر فکر بیلدیرگنی یوق.