ایمل فیضی : طالبان بیلن مذاکره اوچون بولگن ایریم برنامه لرگه قرشی میز

Image copyright taliban

افغانستان حکومتی طالبان بیلن مذاکره قیلیش اوچون یولگه قویلگن ایریم برنامه لردن آگاه ایمس لیگینی اورغولب، شوباعث مذاکره اوچون امریکا لیک لرتمانیدن آلیب باریلگن سعی حرکت لرگه قرشی ایکنینی ایتدی.

امریکا مقاملری، طالبان عصیانچیلری بیلن مذاکره قیلیش اوچون الیب باریلگن سعی حرکت لرگه افغان حکومتی نینگ مخالفت بیلدرگنی باعث بو پروسه توخته ب قالگنینی ایتگن. بو ایسه واشنتگتن پست روزنامه سیده یازیلگن بیر مقاله ده معلوم قیلینگن.

افغانستان ریاست جمهورلیک سرای طالبان عصیانچیلری بیلن اسلامی بیر اولکه ده مذاکره بولیشگه قرشی ایمس لیگنی اورغولب ،بیراق امریکا نینگ یاشرینچی بعضی بیر برنامه لرینی بوخصوصده یولگه قویشگه جدی قرشی ایکنی لیگینی ایتماقده.

افغانستان ریاست جمهورلیک سرای سوزچیسی ایمل فیضی بی بی سی بیلن بولگن صحبتیده افغانستان حکومتی نیگه بو پروسه گه توسیق بولگن دیگن سوراققه قوییده گی چه جواب قیردی: "امریکا گوانتانامو قماقخانه سیده سقله نبیب کیلینه یاتگن طالبانینگ ایریم اعضالرینی گروگان صفتیده قطر ده انتقال بیرماقچی بو باره ده افغان حکومتی نینگ هیچ قندی مصحلتی اورگه نیلمه گن، امریکا نینگ بوحرکتی افغانستان قانونی و حاکمیتی گه قرشی بیرعمل، اگر اولرنی انتقال بیریلیشی صلح اوچون ثمره لی بولسه افغان حکومتی تمانیدن بو برنامه عملی بولسین. ".

شونینگ دیک فیضی جنابلری گوانتانامو قماق خانه سیده کی محبوس لرنی آزاد ایتیش اوچون بیش ییلدن بیری افغان حکومتی حرکت قیلیب کیله یاتگنینی اورغوله دی.بیراق او، حاضرگه چه بوخصوصده قندی کیلشو بولمه گنینی ایتدی.

بوندن آلدین قطرده طالبان اوچون سیاسی دفتر آچیب بیریش مسله سی یوزه چیقیشی بیلن افغان حکومتی تولیق جریان گه قویلمه گنینی قتیغ قاره لگندی لیکن واشنگتن پست روزنامه سی امریکا مقاملرینی اظهاراتیگه ماس ینگی بیرمقاله نشر ایتیب اوشبو مقاله ده مذارکره اوچون الیب بایله یاتگن سعی حرکت لرگه افغان حکومتی تولیق بیرشکلده جریانگه قویلگنی اورغولنگن.

همده مقاله ده اینگ سونگ قرار یعنی طالبان نینگ بیش محبوسینی قطرده انتقال بیریش اوچون کرزی نینگ مخالفت قیلگنی باعث بو پروسه نتیجه سیز قالگنی علاحیده تاکیدلنگن.

طالبان بیلن مذاکره قیلیش اوچو، اوشبو گروه نینگ القاعده ترماغی بیلن علاقه لرینی کسیب قویشی ، افغانستان اساسی قانونی قبول قیلیش همده افغان دولتی بیلن مذاکره گه اولتریش کبی مهم موضوع امریکا مقاملری تمانیدن قویلگن شرط لر دیه واشنگتن پست روزنامه سیده چاپ ایتلگن مقاله ده معلوم قیلینگن.

شونینگ دیک طالبان نینگ بیش مهم اعضاسینی گوانتانامو قماقخانه سیدن ازاد ایتیب مذاکره مسله لری اوچون قطرده انتقال بیریلیشی طالبان تمانیدن ایلگری سوریلگن شرط لردن بیری ایکنی ایتیلگن.لیکن اولرنینگ کیم لیگی حاضرگه فاش ایتلمه گن طالبان عصیانچیلری هم بو خصوصده قندی دیر مناسبت بیلدیرگنی یوق.