افغان عسکری، ایککی امریکالیک عسکرنینگ اولدیردی

Image copyright AFP

مملکت غربیده جایلشگن فراه ولایتی ده ملی اردو عسکرنینگ خارجی حربی لرنی نشان گه توتیشی باعث ، ایککی امریکایی عسکر هلاک و ایککی عسکر هم تن جراحت کورگن.

افغان محلی رسمی لرنی ایتیشیچه بو حادثه فراه ولایتی پشت رود ولسوال لیگی حدودیده افغان و امریکایی کوچ لر گیزمه قلاتکان پیت ده یوزبیرگنی نی ایتشماقده.

افغانستان ملی اردو ملازم لری هجوم چی شخص دولت مخالف لری بیلن علاقه دار بولگنی نی رد ایتمگن .

فراه امنیه قوماندانی سید محمد روشندل ، بو حادثه پشت رود ولسوال لیگی ده امریکایی و افغان حربی لری گیزمه قلاتکان پیت ده یوز بیرگنی نی بی بی سی گه ایتکن.

روشندل جناب لری گه کوره افغانستان ملی اردو سی بیرعسکری ، امریکایی حربی لرگه قرته اوق اتشی سبب ، ایککی امریکایی عسکر هلاک و و ایککی کشی هم تن جراحت کورگن.

ملی ا ردو نی افغانستان غربیدکی ملازم لری ، امریکایی کوچ لرنی نشان گه توتکن ملی اردو عسکری امریکایی حربی لر تمانیدن آتیب اولدریلگنی نی تصدیق لگن.

هجوم چی شخص دولت مخالف لری بیلن علاقدار ایکن نی ملازم لر رد ایت مگن اما بو حادثه سبب لری حقیده تحقیقات باشلنگنی نی اورغولماقده.

ملی اردو نینگ افغانستان غربیدکی رسمی لری شو نینگ دیک حادثه تلفاتی حقیده ، حادثه دن کین جراحت لنگن تورت امریکایی عسکر نی منطقه دن الیب کتلگنی نی ایتیب بو لرنی هلاک بولگنی یا تیریک قالگنی حقیده تولیق معلومات قول گه ایمس لیگی نی هم تاکید لشگن.

بوندن الدین هم افغان حربی لری افغانستان دکی خارجی کوچ لرنی نشان گه توتیب اولرگه آغر تلفات قالدیرگن .

نیچه آی الدین افغانستان ملی اردو و ملی پولیس صف ده ، دولت مخالف لری نفوذ قلگنی دن خواتیر لر کوپی گنی باعث ، افغانستان ملی مدافعه وزیز لیگی بوندن کین حربی کوچ لر صف گه ینگی عسکرلرنی جذب ایتیش یونلیشی ده جدی چاره تدبیر کورلگنی دن سوز یورتکن دی .