گزارش لرگه کوره طالبان نینگ مهم ادم لری قطرگه انتقال بیریلگن

Image copyright AFP

اوز اسمینی ایتشینی ایسته مه گن افغان مقاملریدن بیری طالبان نینگ بیرنیچه مهم اعضاسی نی قطرده ایتیب بارگنینی تصدیق له گن. طالبان گه سیاسی دفتر اچیب بیریش اوچون اولر قطرده الیب باریلگنی ایتیلماقده.

کرزی نینگ طالبان گروهی گه قطرده سیاسی دفتر اچیب بیرشی گه راضی لیک بیلدرگنی ارتیدن بو اقدام یولگه قویلماقده.

اما افغان حکومتی بوندن الدین طالبان نینگ گوانتانامو قماقخانه سیده کی بیش محبوس نینگ قطرده انتقال بیریلیشی قرشی لیک بیلدیرگندی.

شوباعث هم افغان مقاملری طالبان نینگ مهم ادملرینی قطرده ایتیب بارگنی باره سیده اوته احتیاط لیک بیلن فکر بیلدیره دی.

افغانستان عالی تینچلیک قوریلتای ایریم گزارش لرگه اساس له نیب طالبان نینگ سککیز اعضاسی عاییله سی بیلن قطرده انتقال بیریلگنینی ایتگن. لیکن اولرنینگ کیم بولگنی حاضرگه چه فاش ایتیلمه گن.

افغانستان تشقی ایشلر وزیرلیگی ایسه شوندی بیر جریاندن هیچ قندی خبری یوق لیگینی تاکیدله ماقده.

افغانستان جمهوررییسی طالبان بیلن مذاکره قیلیش اوچون میزبان اولکه سعودی عربستان یاده ترکیه بولیشینی افضل دیب ایتردی لیکن کینچه لیک قطرده شوندی دفتر اچلیشی گه رضایت بیلدردی.

ایتلیشچه امریکا قوشمه ایلت لری قطرده طالبان اوچون سیاسی دفتر اچیلیشی گه طرفدار ایکن.

بوندن بیرنیچه کون آلدین افغان حکومتی مذاکره اوچون 11 بندلیک بیر تکلیف نامه نی ایلگری سوریب، مذاکره دن آلدین طالبان نینگ اوریشدن قول تارتیشی، اساسی قانون گه حرمت قویلیشی اوشبو تکلیف نامه نینگ اساسی بند لریدن عبارت ایدی.

خوب شوندی ایکن طالبان گروهی حاضرگه چه بوخصوص ده قندی دیر مناسبت بیلدرمه گن.