کرزی جوبایدن سوزلریدن آرقه داشلیک بیلدیردی

افغانستان جمهور رییسی حامد کرزی، امریکا مقام لری دن بیری گویا طالبان امریکا دشمنی ایمس دیگن اظهاراتی نی خوش قرشی له دی.

کرزی جنابلری، امریکا جمهور رییسی اورین باسری جوبایدن نینگ یوریتگن سوز لری، مملکت ده تینچ لیک کیلتیریش توغری سیده تاثیری بار دیب امید بیلدیردی.

جمهور رییس کرزی، مذکور سوزلرینی پشتون سیاست چی لریدن عبدالصمد خان اچکزی هلاک بولگنی نینگ 40 ییلی گی مراسمی ده بیان ایتگن.

امریکا جمهور رییسی نینگ اورین باسری جوبایدن تمانیدن اوتگن سونگی کونلرده طالبان توغری سیده یوریتیلگن سوزلر، قتیغ عکس العمل لر بیلن یوزمه یوز بولیب، غربی مملکت لر افغانستان نینگ اون ییل لیک اوریش لری نی هم سوال آستیده کیلتیرگن.

هرچند امریکا مقام لری بایدن جنابلری نینگ گویا طالبان بو مملکت دشمنی ایمس دیگن اظهاراتی خصوصیده آچیق نرسه دیمه گن لر اما مذکور سوزلردن نیچه کون اوتیشی بیلن افغانستان جمهور رییسی حامد کرزی آرقه داش لیک بیلدیردی.

"افغانستان و منطقه ده، هر بیر انسان نینگ آرزوسی، ترقیات و تینچ لیک تأمین بولیشی دیر، امریکا تمانیدن طالبان مذکور مملکت دشمنی ایمس دیگن سوزلر اعلام ایتیلگنی دن انچه خرسند میز.

بیز بو خبر اوچون کوپ خوش بوله میزکه افغانستان خلقی نینگ دردی، رنجی، و اولدیریلیش بهانه لری اورته دن کیتیب مملکت تینچ بولسین. مملکت فرزند لری، اوز یورت لریگه کته بولیب، تعلیم کوریش لری اوچون، انشاالله که بو سوز لر بیزلرگه تینچ لیک و امنیت پیامی نی کیلتیرسین."

افغانستان حکومتی، طالبان بیلن مذاکره قیلیش اوچون، قطر اولکه سیده بیر سیاسی دفتر آچیلیشی آرتی دن، طالبان گروهی بیلن خارجی مملکت لر اینیقسه امریکا قوشمه ایالت لری مناسبتی مثبت تمانگه آودریلگن.

هرچند، افغانستان جمهور رییسی حامد کرزی تمانیدن امریکا نینگ سونگی سیاستی گه قرشی لیک بیلدیریشی کوتیله ریدی لیکن کرزی جنابلری، مذکور سوزلرنی مملکتده تینچلیک کیلتیریش اوچون اوته مهم دیب بهاله گن. حال بوکه افغانستان حکومتی قرشی سیده سیاسی فعالیت قیله یاتگن بیر قنچه حزب لر، طالبان نینگ یوق ایتیشی توغری سیده تاکید قیلیب کیلماقده لر.