افغانستان اوچ اولکه بیلن اوزون مدتلی علاقه قورماقده

Image copyright BBC World Service

2012 نچی میلادی ییل باشلنیشی بیلن، افغانستان حکومتی بیر قنچه غربی مملکت لر بیلن اوزون مدت لی علاقه لر قوریشی دن خبر بیرگن.

افغانستان حکومتی، ینگی میلادی ییل بیرینچی آیی نینگ آخری گه چه، بریتانیا، فرانسه و ایتالیا اولکه لری بیلن اوزون مدتلی ستراتیژیک علاقه لر سند لرینی امضا قیلیشینی معلوم قیلگن.

تشقی ایشلر وزیرلیگیگه کوره، مذکور اوچ سند دن تشقری، افغانستان و امریکا آره سیده گی مناسبت لر امضا بولیشی باشدن تیکشیریلیب شو نینگ دیک، آسترالیا و ناتو تشکیلاتی بیلن هم اوزون مدت لی علاقه لر قوریلیش توغری سیده مذاکره لر جریانی بار.

مذکور وزیرلیک سوزچیسی جانان موسی زی بریتانیا، فرانسه و ایتالیا بیلن اوزون مدتلی قلاقه لر قوریلیشی توغری سیده بونده ی ایضاح له دی.

"فرانسه و ایتالیا بیلن اوزون مدتلی علاقه لر قوریلیش سند لری نینگ ایشی توگه یشی گه امید بیلدیره میز. شو نینگ دیک افغانستان جمهور رییسی حامد کرزی، کیله سی بیر یا ایککی هفته گه چه، بریتانیا، فرانسه و ایتالیا مملکت لری بیلن اوزون مدتلی ستراتیژیک علاقه لر امضا بولیشی کوتیله دی."

افغانستان حاضر فقط گینه هندوستان بیلن اوزون مدتلی علاقه لر سندی نی امضا قیلگن. اما امریکا و غربی مملکت لر بیلن اوزون مدتلی علاقه لر امضا بولیشی توغری سیده بیرقنچه مملکت لر اینیقسه افغانستان بیلن چیگره لری بولگن ایران و پاکستان اولکه لری نینگ خواطرگه سالگن.

افغانستان حکومتی ایسه، مذکور علاقه لر قوریلیشی مملکت منفعت لری و قوشنی اولکه لر مناسبت لری نینگ نظرگه توتیشی بیلن عمل گه آشیریلیشی نی بیان ایتگن.

حاضر افغانستان نینگ قریب یریم حدودیده کی خوف سیزلیک مسوولیت لرنی افغان کوچ لری آلگن. بو ریجه 2014 نچی ییل گه قدر توگه یشی بیلن افغانستان حکومتی، ایریم بولیم لرده امریکا و غربی مملکت لر یاردمی دوام تارتیلیشی مقصدیده مذکور علاقه لرنی قورماقده.