اسلامی حزبی نینگ نماینده لری کرزی بیلن اوچره شگن

Image copyright AFP

گلبدین حکمتیار باشچیلغیده گی اسلامی حزب، افغانستان دولتی و امریکا بیلن مذاکره قیلیشگه تیار لیگی نی اعلام قیلدی. مذکور گروه طالب لردن تشقری دولت گه قرشی تورگن کوچلی گروه سنله دی.

شو نینگ دیک جمهورلیک ریاستی سرایی هم اسلامی حزبی نینگ نیچه اعضا سی کابلگه کیلیب، جمهور رییس کرزی بیلن تینچ لیک جریانی توغری سیده اوچره گنی نی معلوم قیلگن.

بوندن قریب تورت کون آلدین، طالبان گروهی و افغانستان حکومتی آره سیده مذاکره لر یولگه قوییلیشی اوچون قطر اولکه سیده سیاسی بیر دفتر آچیلگنی و طالبان گروهی نینگ بیر قنچه مهم نماینده لری مذکور مملکت ده بارگن خبری ترقه تیلگن ایدی.

ایندی ایسه، دولت قرشی سیده فعالیت قیله یاتگن گلبدین باشچیلیغیده گی اسلامی حزبی هم امریکا و افغانستان حکومتی بیلن مذاکره قیلیشگه تیارلیگی نی معلوم قیلگن. اما طالبان گروهی حاضرگه چه بو توغری ده رسمی شکلده هیچ قنده ی مناسبت بیلدیرمه گن.

مذکور حزب سوزچی سی هارون زرغون نینگ ایتیشیچه، امریکا افغانستان دن چیقیب کیتیشی بو حزب نینگ مهم ایستک لریدن دیر.

"اسلامی حزبی همه طرف لر بیلن مذاکره قیلیش اوچون تیار، البته فیصله قیلیش صلاحیتی بولگن طرف لر بیلن. افغانستان قضیه لری نینگ مهم بیر تمانی امریکا دیر. چونکه امریکا افغانستان ده اره لشیب بو مملکت نی اشغال قیلدیلر. اما افغانستان حکومتی دن تشقری باشقه سیاسی گروه لر و حزب لر هم موجود. بولر ایسه امریکا لیک لرنینگ افغانستانده قالیشی توغری سیده قرشی دیر. بو گروه لر بیلن هم مذاکره قیلیش مهم بیر مسئله دیر دیب ایتدی اسلامی حزبی نینگ سوز چیسی هارون زرغون.

باشقه تماندن، افغانستان جمهور رییسی نینگ سوزچیسی ایمل فیضی ایسه، گلبدین باشچیلیغیده گی اسلامی حزب نینگ نیچه اعضا سی کابلگه کیلیب جمهور رییس کرزی بیلن تینچلیک جریانی و مذاکره لر توغری سیده کورشگنی نی معلوم قیلدی.

"اسلامی حزبی نینگ نماینده لیگی دن نیچه کیشی لیک بیرهیئت نیچه کون دن بیری کابلگه کیلگن و جمهور رییس کرزی بیلن اوچره شگن. جمهور رییس کرزی بیلن یولگه قوییلگن مذکور اوچره شیش ده تینچ لیک نی کیلتیریش و مخالف لر بیلن مذاکره یولگه قوییش توغری سیده گپله شیلدی. شو نینگ دیک مذکور هیئت بیر قطار جهادی و سیاسی کیشی لر بیلن هم اوچره شه دی. و بو اوچره شو لرنی افغانستان ده تینچ لیک کیلیشی خصوصیده امید بیلدیره میز. دیب ایتدی جمهور رییس کرزی سوز چیسی ایمل فیضی."

شونده ی بیر حالده، عالی تینچلیک قوریلتایی افغانستان تینچلیگی اوچون هرقنده ی مذاکره مذکور کینگاش تمانیدن یولگه قوییلیشی اوستیده تاکید قیلماقده.

سونگی پیت لرده دولت مخالف لری اینیقسه طالبان گروهی بیلن مذاکره لر یولگه قوییلیش بحث لری قیزیق بولیب کیلماقده. و امریکا قوشمه ایالت لری هم قطرده طالبان اوچون سیاسی دفتر اچیلیشیدن طرفدار لیک بیلدیرگن.