عالی تینچلیک قوریلتای قطرده هیات یوبارماقچی

Image copyright taliban

افغانستان عالی تینچلیک قوریلتیای نینگ تشقی علاقه لر کمیته باشلیغی اسماعیل قاسمیار طالبان نینگ قطرده کی سیاسی دفترینی حقوقی و سیاسی تمانلرینی تیکشریش اوچون بیرگروه هیات یوباریلیشینی ایتدی.

طالبان عصیانچیلری گه قطرده سیاسی دفتر اچیب بیریش اوچون اوشبو گروه نینگ بیرقنچه اعضالری قطرده ایتب بارگنی ایتلرایکن، بیراق عالی تینچلیک قوریلتای بو دفتر نینگ قندی شرایط لرگه ماس اچیلیشی باره سیده شک شبهه بیلن قره ب بو موضوع نی حقوقی تمانلرینی تیکشریلیشی ضرور لیگینی ایتماقده.

افغانستان عالی تینچلیک قوریلتای نینگ تشقی علاقه لر کمیسیون رییسی اسماعیل قاسمیار بوموضوع نی تشقی ایشلر وزیرلیگی بیلن اورتگه قویگنینی تاکیدلب بوحقده شوندی دیدی:" اعتبار قره تیشی میز کیره ک بو دفتر نینگ حقوقی وسیاسی جهت لری اچیق بولسین، دفتر عنوانی بیلن، اسلامی امارت افغانستان ایلچی خانه سی دیب ناملنتریش ناممکن، اساسی قانونگه ماس مستقل و ملی حاکمیت گه ایگه بیر دولت موجود، بیز اولرنی دولتی میزگه مقابل بیر دولت دیه تانشتره آلمی میز، شو اوچون بیز بوموضوع نی تیکشریش اوچون بیر گروه هیات یوباریلیشینی تکلیف ایتدیک."

شونینگ دیک قاسمیار جنابلری،مذاکره رسما باشله نیش اوچون قندی دیر سعی حرکت یولگه قویلمه گنینی اورغولب، دفتر نینگ بوتون ایشی توگه گنیدن کیین بوموضوع محاکمه ایتیلشینی تاکیدله دی اما، عالی تینلچیک قوریلتای تمانیدن مذاکره اوچون ایلگری سوریلیشی اینابتگه الینه دیگن تکلیف لر حقیده هیچ نرسه ایتمه دی.

طالبان گروهی اوتگن کون بیر خبرنامه ترقه تیب بیرینچی بار سیاسی دفتر اچلشی گه راضی لیک بیلدیردی،. همده مذاکره اوچون گوانتانامو قماقخانه سیده بولگن محبوس لری نینگ قویب یوباریلشینی تاکیدلب باشقه شرط لری باره سیده آچیقچه جواب یازمه گنلر.

لیکن بوندن آلدین افغانستان حکومتی بیر بیانات صادر ایتیب مذاکره اوچون اون بیر بند دن عبارت بیر تکیلیف نامه نی آلغه سورگندی. اوشبو تکلیف نامه ده مذاکره دن الدین آتش کیسین بولیشی همده اساسی قانونگه حرمت قویلیش کبی بند لر اساسی شرط دیه تعریف لنگندی.

شوندی بولگنده هم طالبان گروهی اینگ سونگ بیلدرگن مناسبتی ده مذاکره تمانی فقط وفقط امریکا قوشمه ایالت لری دیه فکر بیلدرگنی وخلاص. یعنی اولر بیرشکلده افغان دولتی نینگ شوکبی اظهارات لری بیلن مذاکره موضوع سیدن چیتده سورماقده.