آدم اوغیرلش حال لری کوپه یگنی دن خواطرلر کوچه یگن

Image copyright PA

افغانستان حکومتی انسان اوغیرلش نینگ آلدینی آلیش اوچون ینگی چاره تدبیر کورماقده. عدلیه وزیرلیگیگه کوره، افغانستانده گی انسان اوغیرلشیده کوپراق عیال لر و باله لر بو واقعه لرنینگ قربانی بولگن. مذکور اوغیرلش، کوپراق پول قولگه کیلتیریش و گروگان آلیش مقصدیده عملگه آشیریله دی. افغانستانده آدم اوغیرلش حال لری اوتگن نیچه ییل دن بیری کون سه یون کوپه ییب کیتگن اما حکومت ایسه مذکور معما دن هیچ قنده ی حساباتی یوق لیگی دن سوز یوریتماقده. افغانستانده انسان اوغیرلش واقعه لری اوتگن اون ییل جریانیده، افغانستان حکومتی نینگ اونگیده تورگن اینگ مهم مسئله بولسه ده لیکن مذکور معما حلی بولمه گنی اوچون خواطر لر هم کوچه یگن. باشقه تماندن انسان حق لری سقله ش کمیسیونی نینگ فاریاب ده گی باشلیغی سید حفیظ الله فطرت ایسه، آدم اوغیرلش معما سی نینگ ایریم دلیل لری بولیب، اوتگن نیچه ییل دن بیری خلق خواطری بو توغریده کوچه یگنی نی معلوم قیله دی. فطرت جنابلری، مذکور معما نینگ حل بولیشی فقط گینه دولتی اداره لر مسوولیتی ایکن لیگی نی بیان قیلدی. اما افغانستان حکومتی هم عیال لر و باله لردن نا قانونی شکلده تورلی خیل فعالیت لر اوچون، فایده لنیلیب کیله یاتگن لیگی نی معلوم قیلگن. عدلیه وزیری حبیب الله غالب بو توغری ده بونده ی ایضاح له دی: "افغانستان ده عیال لر و باله لر قتلمی اینگ ضرر کوره دیگن طبقه حسابلنه دی. چونکه انسان اوغیلرله یشیده بولردن آسان لیک بیلن قاچاق چی گروه لر تمانیدن فایده لنیلگن. بولر آغیر ایش لرگه استخدام بوله دیلر. شو نینگ دیک جنسی زوراوانلیک لر، فاحشه لیک و شونگه اوخشه گن باشقه ایشلرده بولردن فایده لنییلیب کیلگن." آدم اوغیرله نیب قاچاق ایتیلیشیده کوچلی مافیا گروه لر، قوراللی گروه لر نینگ قول لری بارلیگی ایتیلماقده. مذکور گروه لرفعالیت لریده بیر قنچه یوقاری مرتبه لی دولت ملازم لری هم شامل. افغانستانده اوتگن نیچه ییل دن بیری آدم اوغیرلش رقمی هر ییل اوتیشی بیلن کوپه ییب کیتگن. شو نینگ دیک، تاجرلر اویشمه سی تمانیدن ترقه تیلگن حسابات گه کوره، اوتگن بیر ییل جریانیده کابل و باشقه بیر قنچه ولایت لرده 90 تاجر اوغیرلنیب، بو جمله دن 12 تاجر هلاک بولگن و باشقه 8 کیشی سی حاضر گه چه هم درک سیز یوقالگن.