فاریاب تاغلیک حدودلری نینگ وضعیتی یمانلشگن

Image copyright bbcpersian

قیش فصلی کیریب کیلیشی بیلن لولاش، گورزیوان و بلچراغ یول لری یمان بیر حالت ده قرار تاپیب مردم تورلی قیین چیلیک لر بیلن یوزمه یوز بوله دیلر. مردم گه کوره، مذکور اولوسوالیک لرده آذوق آوقت نرخ لری ایککی برابر آشیب کیته دی همده صحی خذمت لر آزلیگی باعث خلق نینگ قیین چلیککه قاله دی. شو نینگ دیک، فاریاب ولایتی کینگاشی نینگ وکیل لریدن استاد محمد لطیف نینگ معلوم قیلیشیچه، لولاش، گورزیوان و بلچراغ اولوسوالیک لر نینگ میمنه بیلن باغلیق یول لری ییل لر دوامیده توزه لمه گنی اوچون اوشبو قیین چیلیک لر کون سه یین کوپه ییب کیتگن. شو نینگ دیک، فاریاب ولایتی کینگاشی نینگ ینه بیر قنچه وکیل لری، گورزیوان، لولاش و بلچراغ تومن لری یشاوچی لری نینگ قیین چیلیشی حل بولمه گنی اوچون، مذکور ولایت حاکمی نینگ جدی تنقید آستیده آلگن لر. فاریاب مردمی نینگ محلی نماینده لریگه کوره، فاریاب حاکمی تورت ییل دن بیری مذکور ولایت ده بیرینچی مسوول صفتیده ایشله ماقده لیکن حاضر گه قدر لولاش، گورزیوان و بلچراغ تومن لری نینگ یقین دن کورمه گن. خود شو مسئله باعث، خلق نینگ تورلی قیین چیلیک لریدن هم اونچه لیک آگاه ایمس. بیراق، فاریاب حاکمی عبدالحق شفق ایسه، قیش فصلی ده قیین چیلیک لر بیلن یوزمه یوز بوله یاتگن اهالی گه آذوق آوقت ترقه تیشی باشلنگنی دن سوز یوریته دی. شفق جنابلریگه کوره، قیش فصلی ده فقط گینه لولاش اولوس والیگی نینگ یولی باغلنه دی اما باشقه اولوسوالیک لرگه باریش کیلیش اوچون قیینچیلک یوق. "بیز شو کون لرده گورزیوان و بلچراغ تومن لریده آذوق آوقت یوبارماقده میز. حاضر فاریاب نینگ 8 اولوسوال لیگیده بیرینچی یاردم لریمیز ایتیشگن. باشقه ییرلرده یول لر باغلنمه یدی، فقط گینه لولاش اولوسوال لیگی نینگ یول لی بند بوله دی. بیز لولاش یولی ده گی قار لرنینگ پاکیزه لش اوچون قرار دادنی امضا قیلیب، عامه منفعت لر وزیرلیگیگه یوبارگن میز. قیش فصلیده موتر کیته یاتگن یول آچیلمه یدی بلکه فقط گینه پیاده یول لرنی آچه میز. بیز لولاش اهالی سی ده لازم بولگن مواد لرنی بیر شکلده یوباره میز. بو که نیگه حاضر گه چه یاردم لر لولاش گه یتیشمه گن، قیش فصلی زود لیک بیلن کیلدی." فاریاب ولایتی نینگ 14 اولوس والیگی بولیب، مذکور تومن لراوچته سی نینگ یول لری حاضر گه چه توزه لمه گن. لولاش، گورزیوان و بلچراغ اولوس والیک لریده قریب آلتی یوز مینگ انسان حیات کیچیره دی. مذکور اولوسوالیک یشاوچی لری نینگ معلوم قیلیشیچه، قیش فصلی باشلنیشی بیلن آذوق آوقت نرخی لری آشیب کیتیشی یانیده، صحی خذمت لر آذلیگی باعث، اونلب انسان دنیا دن کوزم یومه دیلر.