عالی تینچلیک قوریلتای: مذاکره اوچون افغان دولتی جریانگه قوییلیشی کیره ک

Image copyright AFP

افغانستان عالی تینچلیک قوریلتای طالبان بیلن مذاکره الیب باریش افغان لر ر هبرلیگی بیلن یولگه قویلمه سه افغانستان نینگ بحران گه آلیب کیلیشی ممکن لیگینی ینه بیر بار تیل گه آلگن.

عالی تینچلیک قوریلتای گه کوره قطرده طالبان بیلن مذاکره الیب باریش اوچون بیرینچی سعی حرکت لر یولگه قوییلیب کیلماقده لیکن عالی تینچلیک قوریلتای و افغان حکومتی بوکبی حرکت لردن جریانگه قوییلمه گن.اما شوندی بولسه هم بو کینگاش اعضالری طالبان وامریکالیک لر اره سیده بولیب اوته یاتگن بیرینچی سعی حرکتنی خوش قرشی له گن.

امریکا قوشمه ایالت لری طالبان بیلن مذاکره آلیب باریش مسله سی افغان لر رهبرلیگی استیده یولگه قویلیشینی تاکیدلب کیلماقده، بیراق افغان حکومتی طالبان وامریکا لیک لر اره سیده مذاکره اوچون شو پیتگه قدر بولگن سعی حرکت لردن اونچه لیک آگاه ایمس لیگینی ایته دی. شوندی بولسه هم افغانستان عالی تینچلیک قوریلتای مذاکره اوچون اون ییللیک سعی حرکت نتیجه سیده طالبان گه سیاسی دفتر اچیلیشی قولگه کیرتیلگن کتته یوتوق دیه فکر بیلدره دی.باشقه تماندن اوشبو کینگاش اورین باسری عبدالحکیم مجاهد. مذاکره مسأله لریگه افغان دولتی تولیق جریان گه قویلمه سه ،اوشبویونه لیش کیله جگی خواطرلی بولیشی بیلن اگاه لنتیردی."طبیعی دیرکه مذاکره افغانستان دولتی تمانیدن یولگه قوییلمه سه همده باشقه سیاسی جریان لر و تورلی قوم لر گه حصه بیریلمه سه افسوس بیلن بوکبی مذاکره لرنی نتیجه بیرمسلیگی ممکن، فکر قیله من بیز مذاکره نی بیرینچی باسیقیچلریده میز،صلح پروسه سی شوندی ریجه لنگن کی افغانستان دولتی قوشیلمه سه موفقیت گه ایرشیشنی امکانی یوق."

شونین دیگ مجاهد جنابلری صلح پروسه سینی افغان لر تمانیدن باشقریلیشینی امریکا لیک لر هم تاکیدلب کیلگنینی اورغولب، مذاکره مسله سیگه افغان دولتی تولیق جریان گه قوییلیشی گه امید بیلدیردی.

عینی حالده او، امریکا لیک لر وطالبان اره سیده حاضرگه چه یولگه قوییلیب کیلگن مسأله لر مذاکره اوچون اساسی وعملی برنامه لرنی یولگه قوییش مقصدیده ایکنینی ایتدی.

شونگه قوشیمچه افغانستان عالی تینچلیک قوریلتای نینگ اورین باسری مجاهد جنابلری کیره ک بولگن حالده بیرگروه هیات قطر گه یوباریلیشینی ایتدی لیکن حاضرگه چه قندی دیر رسمی طلب ایلگری سوریمه لگنینی معلوم قیلدی.

خوب شوندی بیر حالده امریکا نینگ افغانستان وپاکستان بوییچه مخصوص وکیلی مارک گروسمن کابل گه کیلیب جمهورریس کرزی بیلن اوچره شیشی کوتیله دی.رسمی معلومات لرگه کوره بو مخصوص وکیل ایسه کرزی بیلن اوچره شیب مذاکره اوچون بولگن سعی حرکت لرنی اوبیلن اورته گه قویماقچی.