بدخشانده قارکوچکی سی عاقبتیده اون تورت کیشی قربان بولگن

Image copyright bbc

بدخشان ولایتی نینگ رسمیلرگه کوره اوشبو ولایت نینگ راغستان، یفتل، یاوان تومنلریده قار کوچکی نتیجه سیده اون تورت کیشی هلاک بولیب اون گه یقین کیشی جراحت آلگن.

شونینگ دیک اشکاشم تومن نینگ زیچ قشلاغیده یتمیش عایله قار استیده قالگن.

محلی رسمیلر قار کوچکیسی نتیجه سیده قربان بولگن شخصلر جسدلرینی قار استیدن چیقاریشگه قادر بولگن. همده قار تگیده قالگن عایله لرنی قوتقاریش اوچون تیز یارددم تیمی منطقه ده یوباریلگن.

عینی حالده بدخشان ولایتی نینگ حاکمی سوزچیسی عبدالمعروف راسخ قار کوچکی سی عاقبتیده بیش یوزدن ارتیق جاروماللرهم تلف بولگنینی محلده کی خبرنگار لر گه ایتگن.

شونینگ دیک راسخ جنابلری قار کوچیش حاللری کوپ یوزبیرگنی لیگی باعث اوشبو ولایت نینگ بیرنیچه تومن یوللری هم یاپیلگنی معلوم قیلگن.

محلی رسمیلر کیره کلی اسباب اسکونه لرگه ایگه ایمس لیک لری اوچون قار باسگن یوللرنی تیز اره ده اچیشی گه موفق بولمه یشنی ایتگن لر.

هرییلی قیش فصلی کیریب کیلیشی بیلن بدخشان ولایتی نینگ توقیز تومنی نینگ یولی یاپیله دی. همده اوشبو تومنلرده تاجکستان ارقه لی آزوق اوقات یتکزیله دی وخلاص. جاری ییلده ایسه بوبرنامه هم یولگه قویلمه گنی ایتلیب اهالی کوپلب قینچلیک لر بیلن یوزمه یوز بولیب کیله یاتگن لیگیدن شکایت بیلدیرگنلر.