اولوسی جرگه نینگ ایکینچی اورین باسریدن تشقری باشقه اداری هیئتی سیله ندی

افغانستان اولوسی جرگه اداری هیتی نینگ سیله ش اوچون ایککی کون دن بیری سیلاو یولگه قوییب، نتیجه ده، مذکور جرگه بیرینچی اورین باسری، کاتبی و ایککینچی کاتبی خلق نماینده لری تمانیدن سیلندی لر اما ایککینچی معاونی حاضر هم سیلنمه گن.

ننگرهار ملت وکیلی حاجی عبدالظاهر قدیر ، توناون کی سیلاولر ده اولوسی جرگه نینگ بیرینچی اورین باسری صفتیده سیله ندی.

شونینگ دیک اولوسی جرگه نینگ بیرینچی کاتبی صفتیده، پروان ملت وکیلی عبدالستار خواصی و مذکور جرگه نینگ ایککینچی کاتبی صفتیده، بلخ ملت وکیلی فرهاد عظیمی سیله ندی لر.

اما اولوسی جرگه نینگ ایککینچی معاونی لوازمی نینگ ایگلله ش اوچون، هرات ملت وکیلی احمد بهزاد، و کابل ملت وکیلی داکتر جعفر مهدوی آره سیده گی سیلاولرده هیچ بیری هم 50 علاوه بیر رأی نی قولگه کیریته آلمه دیلر.

اولوسی جرگه نینگ رییسی عبدالرووف ابراهیمی مذکور جرگه نینگ ایکینچی اورین باسری نینگ لوازمی اوچون اوچینچی مرته سیلاولر یولگه قوییلیشی نی اعلام قیلدی.

بیر قنچه ملت وکیل لریگه کوره، اولوسی جرگه مابینیده سیاسی قره مه قرشی لیک لر باعث، ایکینچی معاون ایکی کون دن بیری سیلنمه ی قالگن.

اولوسی جرگه نینگ ملت وکیل لری ایکی سیاسی جناح لرگه بولینگن لر. بیرطرف حکومت دن حمایت قیلوچی گروه یا اصلاح طلب لر باشقه ایسه، حکومت مخالف لری یا قانون دن حمایت ایتوچی ائتلافی دیر.

افغانستان پارلمانی نینگ ایچکی وظیفه لر قانونیگه کوره، پارلمان نینگ هر ییل باشیده بیرینچی و ایککینچی اورین باسرلر همده منشی و ایککینچی منشی سی آره سیده سیلاو یولگه قوییلیب، قیته دن سیلنه دیلر.

اما اولوسی جرگه و سنا مجلسی نینگ رییس لری ایسه، پارلمان باشلنیشی بیلن بیش ییل گه قدر رییس صفتیده ایشله یدیلر.

حاضر اولوسی جرگه نینگ رییسی حاجی عبدالرووف ابراهیمی و سنا مجلسی نینگ رییسی فضل هادی مسلم یار خلق نماینده لری تمانیدن سیلنگن لر.