آیساف: عادی اهالی تلفاتی نی کمیتیریش اوچون اعتبار بیره میز

Image copyright BBC World Service

ایساف کوچلری 2012 میلادی ییلده عادی اهالی تلفاتی نی آلدینی آلیش اوچون جدی اعتبار قره تیلیشینی تاکیدله گن.

ایساف کوچلری گه کوره اهالی تلفاتینی کمیتریش اوچون بوخصوصده بولگن یوناما تکلیفی هم نظرده توتیله دی.

بیرلشگن ملت لر تشکیلاتی ایککی کون الدین بیر حسابات ترقه تیب، ناتو کوچلری تمانیدن یولگه قویلیب کیلگن حربی عملیات لرده اهالی اولیمی تورت فایز کمیگنینی ایتگندی، بیراق خلق ارا کوچلر بو حساباتنی قبول قیلمی حسابات نینگ تیکشریله یاتگنیدن خبربیرگن.

اون ییلدن بیری دوام تارتیب کیله یاتگن اوروشده نه فقط عصیانچیلر ،بلکه افغانستان خوف سیزلیگینی تامین لش مقصدی بیلن کیلگن خلق ارا کوچلرنی هم اهالی اولیمی گه سبب بولیب کیله یاتگنی ایتیله دی .

بوموضوع خلق ارا کوچلرنینگ قرشیسیی ده تورگن ییریک معمالردن بیری صفتیده کوریلماقده، چونکی اوشبو کوچلر شوپیت گه قدر اهالی تلفاتینی الدینی اله میز دیگن سوزلرینی عملی قیلشی گه قادیر بولمه گن. ایندی لیکده ایساف کوچلری جاری ییلده یولگه قویله دیگن عملیات لرده تینچ فقرا قربان بولیشنی الدینی الیشی گه جدی اعتبار قره ته میز دیگن قطعی سوزبیلن چیقماقده. بوحقده ایساف کوچلری نینگ کابلده گی سوزچیسی کارستن جاکوپسن شوندی دیدی :"هربیر عادی اهالی نینگ قربان بولیشی بیزلر اوچون الم لی ودرد لی بیر حالت بیز هرقندی ممکن بولگن یوللر بیلن 2012 میلادی ییلده عادی اهالی تلفاتینی الدینی الیشی گه اعتبار بیره میز."

ایساف کوچلری گه کوره افغان کوچلرینی مشق تیارگرلیک لردن اوتکزیش، خلق گه معلومات بیریش، یسه مه بم تیارلش ماده لرینی افغانستان گه الیب کیلینیشی الدینی الیش همده سبب چیلرنی قماققه الیش برنامه لریگه کوپراق اعتبار قره تیلگن.

ایساف سوزچیسینی ایتیشیچه بوکبی فعالیت لرنی تیزلشتریش اهالی تلفاتینی کمیشی گه سبب بوله دی.

شونینگ دیک ایساف کوچلری نینگ سوزچیسی کرستن جاکوپسن، اهالی تلفاتینی الدینی الیش اوچون بیرلشگن ملت لر تشکیلاتی تمانیدن ایلگری سوریلگن تکلیف نی هم اینابتگه آلینیشینی تاکیدله دی.

" ایساف کوچلری یوناما تمانیدن ایگلری سوریلگن تکلیف نینگ چقور کوریب چیقماقده.بو تکلیف عملیات لرده عادی اهالی تلفاتینی کمیتریشی گه کتته منفعت یتکزه دی بیز یوناما نینگ توصیه وتکلیف لرینی القیش لی میز شونینگ دیک گناه سیز انسانلرنی قربان بولیشنی الدینی الیش اوچون بولگن هدفلری میزنی اولر بیلن، شریک قیله میز."

بیرلشگن ملتلر تشکیلاتی بوندن الدین ترقه تگن حساباتیده 2011م ییلده عادی اهالی تلفاتی 14 فایز کوپیگنیدن خواطر بیلدیرگندی اوشبو تشکیلات حساباتیده تلفات نینگ 77 فایز گه عصیانچی گروه لر مسوول دیه کورسه تیلیب 14 فایز تلفات خارجی کوچلر گه نسبت بیریلگندی. شونینگ دیک بیرلشگن ملت لر تشکیلاتی اوز حساباتیده، اوریش نینگ برچه تمانلری اوریش قاعده اصوللریگه اعتبار قره تیشلری کیره ک لیگینی تاکیدله گندی