ناتو نینگ ملکی وکیلی: حربی فعالیت لری میز دوام تارته دی

Image copyright afp

افغانستانده گی ناتو کوچلری 2014 میلادی ییل نینگ آخرلریگه چه حربی فعالیت لرینی دوام ایتیریشینی تاکیدله دی.

ناتو نینگ ملکی نماینده سی سایمن گیس گه کوره افغان امنیتی کوچلری اوستیدن اوتکزیلگن تیکشرولرگه اوشبو کوچلرخوف سیزلیک نی تامین قیلیش قابلیتی گه ایگه بولگنی معلوم قیلینگن.

لیزبون یغنیدن قیتگن گیس جنابلری بوگون کابلده اوتکزگن مطبوعات انجمنیده اوشبو یغنده الینگن قرار لر اساسیده ناتو نینگ عملی قیلیشینی ایتگن

"ناتو لیزبون استراتیژیک کیلشو گه بها بیره دی ناتو پالیسی سیده هیچ قندی اوزگریش کیلمیدی 2014 میلادی ییل گه چه افغان کوچلری یانیده حربی عملیات لرنی یولگه قوییب کیلیشی ممکن."

حال بوکی امریکا مدافعه وزیری لیون پانیتا اوشبو اولکه کوچلری ننیگ افغانستانده کی حربی ماموریتی 2013 میلادی ییل نینگ اورته لریده قیسقریب کوپراق افغان کوچلرینی مشق وتیارگرلیک لردن اوتکزیش بولیم لریگه قره تیلیشینی اعلان قیلگندی.

اما گیس جنابلری، ناتو فعالیتی گه هیچ قندی اوزگریش کیلمه یشینی اورغولب ، 2013 م میلادی ییل اورته لریده قندی اوزگریش کیلیشی باره سیده توشینماوچیلیک لر موجود لیگینی تیلگه آلدی.

2013میلادی ییل نینگ اورته لریده قندی اوزگریش لر کیلیشی باره سیده توشینماوچیلیک لر موجود بوباره ده ایتسم که2013م ییل اورته لریده خوف سزلیک نی تاپشریش جریانینی بیشنیچی قسمی عملی بوله دی، یعنی افغانستان خوف سزلیگی بوتونلی افغان لر ضیمه سیگه توشه دی. شوندی بولسه هم ناتو کوچلری 2014 میلادی ییل اخرلریگه چه حربی ماموریتینی دوام بیره دی."

امریکا مدافعه وزیرلیگی افغان امنیتی کوچلری یخشی جهازلنسه یککه لیککه امنیت نینگ تامین قیلیش قابلیتی گه ایگه بولیشگه ایشانچ بیلدره دی، اما ایریم ایش بیلرمان کیشی لر ایسه چیت ایللیک کوچلر افغانستاننی ترک ایتگن حالده، افغان کوچلری کوچ سیزله نیب عصیانچی گروه لرنی قیته باش کوتاریشی ممکن لیگیدن خواطر بیلدیرماقده.