پاکستان باش وزیری افغانستان تینچلیگی اوچون قطرگه کیتگن

Image copyright na

پاکستان باش وزیری یوسف رضا گیلانی افغانستان تینچلیک جریانیده گی مذاکره لر اوچون، قطر اولکه سیگه اوچ کون لیک سفر قیلگن. طالبان گروهی قطر اولکه سیگه سیاسی بیر دفتر آچیش لری نی اوتگن آی اعلام قیلگن ایدیلر. پاکستان گه کوره، گیلانی جنابلری نینگ مذکور سفری، افغانستان بیلن یخشی اقتصاد رابطه قوریش گه زمینه یره ته آله دی. باشقه تماندن پاکستان رسمیلریگه کوره، گیلانی جنابلری نینگ سفری جریانیده امریکا و طالبان آره سیده گی مذاکره لر توغری سیده هم گپ له یشی ممکن. تحلیل چی لر نینگ معلوم قیلیشیچه، گیلانی جنابلری نینگ مذکور سفری، تینچ لیک اوچون یولگه قوییلیشی کوتیله یاتگن کیله جکده گی نقشی نی تعیین ایته دی. بی بی سی مخبر لری نینگ بیریگه کوره، حاضر گه قدر پاکستان مذاکره لر توغری سیده انیق بیر موضع آلیشی بیللی ایمس لیکن گیلانی جنابلری نینگ معلوم قیلیشیچه، پاکستان ثبات لی بیر افغانستان نینگ ایسته ب، افغان خلقی تمانیدن تینچ لیک اوچون هر قنده ی ریجه دن آرقه داشلیک بیلدیره دی. گیلانی جنابلری مذکور سفریده قطر اولکه سی نینگ امیری و باش وزیری بیلن اوچره شیشی هم بیلگی لنگن. بی بی سی مخبری گه کوره، پاکستان هم افغانستان دیک، مذاکره لردن حاشیه ده قالگنی نی احساس قیلگن. ایندی ایسه، امریکا پاکستان نینگ مذاکره لر اوچون جریان گه قویگن لیگی نی پاکستان تایید ایتماقده. شو نینگ دیک افغانستان جمهور رییسی حامد کرزی، هم طالبان بیلن مذاکره آلیب باریشی عربستان اولکه سیده بولیشینی معلوم قیلگن ایدی. عین حالده پاکستان اولکه قطرده کی یا عربستان ده گی مذاکره لر نینگ قه یسی سی دن حمایت قیلیشی هم حاضر گه قدر بیللی ایمس.