جوزجان ولایتیده جنایی جرملر کمه یگن

Image copyright Reuters

جوزجان ولایتی نینگ خوفسیزلیک مسؤللرینینگ ایتیشیچه اوشبو ولایتده جنایی جرملر 50 فایز کمه یگن. جوزجان امنیه قومندانی عبدالعزیز غیرت جنابلرینینگ ایتیشیچه، جاری ییل نینگ اولیدن، حاضرگه قدر 500 رقمدن آرتیق جنایی قضیه نی تاپیب، باش مقاملرگه تانیشتیرگن. اونینگ ایتیشیچه بوندن تشقری اولر جنایی جرملربیلن بند بولگن 600 کیشی نی هم توتقینگه آلیشگن. غیرت جنابلری نینگ ایتیشیچه، مذکور جرملر ایسه مخدره ماده لر، اوغریلیک و اولدیریش کبی جرملرنی هم اوز ایچیگه قمره ب آلگن و عامللری ایسه جزا کوریش اوچون یوقاری ارگانلرگه تانیشتیریلگن. اونینگ ایتیشیچه، اوشبو قضیه لرده 1000 کیلوگرام مخدره ماده، 126 لیتر الکولیک ایچکیلیک لر، 5ته توپپانچه، 4 موتر سایکل و خوددی شونده ی خوفسیزلیک کوچلری تامانیدن، تورتته الکولیک ایچیملیک تیارلاوچی کیچیک فابریکه هم تاپیلگن. بونگه اوخشش قضیه لر ایسه تینچ اهالی یاردمی بیلن تاپیلیب، عامللری جزالنتیریش اوچون توتقینگه آلینگن لیگینی ایته دی او. جوزجان اهالی سی هم پولیس خادملری نینگ اوشبو ایشلریدن نهایتده خورسند کورینه دی. جوزجان ولایتیده گی خوفسیزلیک مسؤوللری نینگ ایتیشیچه، شو حاضرنینگ اوزیده، اوشبو ولایت نینگ مرکزی و بیر قطار تومنلریده 1000 پولیس خادملری خوفسیزلیک ایشلری بیلن شغللنه نیب کیلماقده لر. و بونی ایتیش بیلن ایسه مذکور فعالیت، تینچلیکنی تامین بولیشی اوچون قوییلگن قدملردن ینه بیر ایکنلیگینی بیلدیرماقده غیرت جنابلری.